آمریکادا کئچن آی 62 مین نفر ایشینی الدن وئردی. ایش‌سیزلیک 5/5 فایز اوستونده‌دیر. چالیشما وزارتی‌نین یایدیغی گزارشه گؤره، سون آلتی آیدا آمریکا اقتصادی یاراتدیغیندان داها چوخ استخدام ایتیرمه‌سینه اوغراییب. ایل باشیندان بویانا ایشینی ایتیرن انسانلارین سایی 438 مینه چاتیب. 2007 ایلینده هر آی اورتالاما 90 مین یئنی ایش یارادیلمیشدی. آنجاق چالیشما وزیری ائلینا چاوو ایش‌سیزلیک رقملری‌نین 1990-لی ایللردن هله ده داها یاخشی اولدوغونو دئدی.

بو آرادا ارز اداره‌سی انیستیتوسو آدلی قورولوش، جون آییندا قیمت آرتماسی و سفارشلرده‌کی آزالمایا گؤره خدمات بؤلمه‌سی‌نین دارالدیغینی آچیقلادی. خدمات بؤلمه‌سی بانک‌لاردان هاوا یوللاری شرکت‌لرینه قدر گئنیش بیر ساحه‌نی ایچینه آلیر و آمریکا اقتصادی‌نین 80 فایزینی اولوشدورور.