حزب اللهین اسیر ده ییشدیرمه
ده اسرائیله گئری وئردییی ایکی عسکرین جسدلری بوگون تورپاغا وئریلیر. اهود
قولدواسار و اهود رئگئو آدلی عسکرلرین اوغورلانماسی ایکی ایل قاباق، بیر آی دوام
ائدن اسرائیل-حزبالله ساواشینا سبب اولموشدو.
دونن گئری وئریلن عسکرلرین
کیملیکلرینی اسرائیل، DNA تئیسیندن سونرا دوغرولادی. بو آرادا اسرائیلین آزاد ائتدییی بئش
اسیر لبنانا دؤندو. بینالخالق قیزیل خاچ واسطه سی ایله لبنانا گتیریلن اسیرلر
ئونجه ناکورا شهرینده، سونرا دا پایتخت بیروتدا مراسیمله قارشیلاندی. بیروت فرودگاهینداکی
مراسیمه دولت باشچسی میشل سلیمان، باش وزیر فواد سینیوره و باشقا رسمیلر قاتیلدی.
حزب الله تشکیلاتینین رهبری حسن
نصرالله، بیروتدا دوزنله دیی میتینگده مغلوبیت دؤنه مینین باشا چاتدیغینی و
ظفر چاغینین باشلادیغینی ئونه سوردو.
اسیرلر آراسیندا 1979-دا ایکیسی اوشاق
اوچ اسرائیللی نین ئولومونه سبب اولان هجومون فاعللریندن سمیر قانتار دا وار.
آنلاشما آیریجا اسرائیلین 200 لبنانلی و فلسطینلی یاراقلینین جنازهلرینی ده گئری
وئرمهسی لازیمدیر.
انترنت دن پروگراملار
بو مقاله نی ای ميل ائدين
چاپ اوچون متن
