နယူးယောက် မြို့ ဘေ့စ်ဘော ကွင်း မှာ လူ ၆ သောင်း ကို စကားပြောကြားပြီး၊ ပုပ်ရဟန်းမင်းကြီး က သူ့ ရဲ့ အမေရိကန် ခရီးစဉ် ကို အဆုံးသတ်လိုက်ပါတယ်။  

အဲသလို ပြောကြားရာမှာ ဘရင်ဂျီ ဘာသာဝင်တွေ ညီညွတ်ကြဖို့ ပုပ်ရဟန်းမင်းကြီး Benedict က တောင်းဆိုလိုက်ပါတယ်။  ပရိသတ် က ပုပ်ရဟန်း မင်းကြီး ကို Vatican အရောင် လက်ကိုင်ပုဝါတွေ ဝေ့ယမ်း၊ အော်ဟစ် နှုတ်ဆက်ခဲ့ကြပါတယ်။  နယူးယောက် မြို့တော်ဝန် ကလည်း အဲဒီ ဆုတောင်းပွဲ ကို အခြား နိုင်ငံရေး သမားတွေ နဲ့ အတူ တက်ရောက်ခဲ့ပါတယ်။ 

အမေရိကန် နိုင်ငံ ဟာ ဘရင်ဂျီဘာသာဝင်တွေ အတွက် လွတ်လပ်စွာ ယုံကြည်မှု ကို လက်တွေ့ ကျင့်သုံးခွင့်ရရုံမက၊ နိုင်ငံသား တစ်ယောက် အနေနဲ့ နိုင်ငံရဲ့ အရေး မှာ ပါဝင်ဆောင်ရွက်ခွင့် ရရှိတဲ့ တိုင်းပြည်ဖြစ်ပါတယ် လို့ ပုပ်ရဟန်းမင်းကြီး က အမေရိကန် နိုင်ငံ ကို ချီးကျူး ပြောဆိုသွား ခဲ့ပါတယ်။ 

အမေရိကန် ကို အကြမ်းဖက်သမားတွေ က ၂၀၀၁ ခုနှစ် စက်တင်ဘာလ ၁၁ ရက် မှာ တိုက်ခိုက်ခဲ့တာ ကို ခံခဲ့ကြရတဲ့ ကယ်ဆယ်ရေး လုပ်သားတွေ နဲ့ ခံခဲ့ရသူတွေ အတွက် ပုပ်ရဟန်းမင်းကြီး က ကနေ့ အစောပိုင်း မှာ ၀တ်ပြုဆုတောင်းပွဲ ကျင်းပခဲ့ပါတယ်။ 

တချိန် က World Trade Center အမွှာ အဆောက်အဦ ၂ ခု ရှိခဲ့တဲ့ Manhattan အောက်ပိုင်း မှာ ပုပ်ရဟန်းမင်းကြီး က ၀တ်ပြုဆုတောင်းပွဲ တစ်ပွဲ ကျင်းပခဲ့ပါတယ်။  ခံခဲ့ရတဲ့ မိသားစု တွေရဲ့ ကိုယ်စားလှယ်တွေ နဲ့ အသက်ရှင်ကျန်ခဲ့တဲ့ လူ ၂၄ ယောက် ကို ပုပ်ရဟန်းမင်းကြီး က တစ်ဦးချင်း တွေ့ဆုံခဲ့ပါတယ်။