ဒီတပတ် တင်ပြထားတဲ့ အမေရိကန် အီဒီယံ အသုံးအနှုန်းများမှာ lion's share နဲ့ have a tiger by the tail တို့ ဖြစ်ပါတယ်။

ပုံပြင်တွေထဲမှာ တင်စား ပြောဆိုထားတဲ့ တောရိုင်းတို့ရဲ့  ဘုရင်အရှင်သခင် ကေသရာဇာခြင်္သေ့ (lion) ကို အခြေခံတဲ့ lion's share - ခြင်္သေ့ရဲ့  ဝေပုံစု လို့ တိုက်ရိုက် ပြန်ဆိုနိုင်တဲ့ အသုံးအနှုန်း ဖြစ်ပါတယ်။

သမိုင်းကြောင်း နောက်ခံကတော့ လွန်ခဲ့တဲ့ နှစ်ပေါင်း နှစ်ထောင်ငါးရာ လောက်က ရှေးဟောင်း ဂရိပုံပြင် ပြောပြသူ တဦးက စခဲ့တယ်လို့ ယူဆကြပါတယ်။ ခြင်္သေ့အနေနဲ့ အစားရှာဖွေဖို့ တခြား တောရိုင်း တိရစ္ဆာန် အုပ်စုထဲမှာ ပါဝင်ခဲ့ပါတယ်။ တချိန်မှာ သမင်တကောင်ကို သတ်ဖြတ် ပစ်နိုင်ပြီးနောက် ခြင်္သေ့ က သူ့ ဝေစုကို တောင်းတဲ့အခါ သမင် တကောင်လုံးကို လိုချင်နေပါတယ်။ ဟိတ်ဟန်ရှိတဲ့ ခြင်္သေ့က ဟိန်းဟောက်ပြီး ခြိမ်းခြောက် တောင်းဆိုတာကို တခြား တိရစ္ဆာန်တွေက ကန့်ကွက် ပြောဆိုခြင်း မရှိတာကြောင့် လောဘ ရမက်ကြီးတဲ့ ခြင်္သေ့က သမင် တကောင်လုံးကို ရသွားခဲ့ပါတယ်။ ဒီပုံပြင်ကို အခြေခံပြီး lion's share အသုံးက ဝေစုခွဲရာမှာ မတရား ရတာ မှန်ပေမယ့် ကိုယ့်အဖို့ အများဆုံး ကျန်အောင် ဝေပုံကျကို ခွဲယူခြင်းကို ခေါ်ဆိုခြင်း ဖြစ်ပါတယ်။

"The angry old man changed his will. And, his family was shocked to discover he had left the lion's share of all his money to a distant cousin most of them have never heard of."

"စိတ်ကြီး ဒေါသကြီးတဲ့ အဖိုးကြီးက သူ့ အမွေစာချုပ်ကို ပြောင်းလဲပစ်ခဲ့တယ်။ ဒါကို ကျန်ရစ်သူ မိသားစုက သူတို့ တခါမှ မကြားဘူး၊ မသိတဲ့ ဆွေမျိုး နီးစပ်သူတဦးကို ဝေပုံကျ အများစု ပေးခဲ့တယ်လို့ သိတဲ့အခါ အားလုံး တအံ့တသြဖြစ်ခဲ့ကြတယ်။"

ဒုတိယ စကားအသုံးအနှုန်းက ကျားတိရစ္ဆာန် နဲ့ ဆက်နွယ်တဲ့ အသုံးအနှုန်း ဖြစ်ပါတယ်။ Have a tiger by the tail ဆိုတဲ့ ကျားတကောင်ကို အမြီးကနေကိုင်ပါလို့ အဓိပ္ပါယ်ရှိတဲ့ အသုံးအနှုန်း ဖြစ်ပါတယ်။

အီဒီယံ သဘောအရတော့ ကျားမြီးဆွဲတဲ့အခါ သိပ်ပြီး အားကောင်းဖို့ လိုသလို၊ သိပ်ပြီးတော့လည်း ကြောက်ဖို့လည်း ကောင်းပါတယ်။ မြန်မာ အသုံးအနှုန်း မှာလည်း ကျားမြီး ဆွဲရသလိုပဲ ဆိုတဲ့စကား ရှိပါတယ်။ ဒီစကား သဘောကတော့ မနိုင်တဲ့ ဇာတ်ကို က ရတဲ့သဘော၊ ကိုယ် မကျွမ်းကျင် အန္တရာယ်ရှိတဲ့ အလုပ်တခုခုနဲ့ သွားပတ်သက်မိရင် ကိုယ့်ဒုက္ခ ကိုယ်ရှာတဲ့ သဘော ဖြစ်ပါတယ်။