ရန်ကုန်တဖက်ကမ်း ဒလမြို့ နယ်အတွင်း ဓနုတ်ကျေးရွာက ဓနုတ်စေတီပြိုကျတာကြောင့် လူအသေ အပျောက်ရှိသလို အတော်များများလည်း ထိခိုက်ဒဏ်ရာရသွားပါတယ်၊ ရက်အတန်ကြာအထိလည်း ပြိုကျတဲ့ စေတီအုတ်ပုံကို မရှင်းလင်းနိုင်သေးပါဘူး။
စေတီတော်ကို ပြုပြင်မွန်းမံနေစဉ် မေလ ၃၀ရက်နေ့ ညနေပိုင်းမှာ ရုတ်တရက်ပြိုကျခဲ့တာဖြစ်ပြီး ပြိုကျစဉ်မှာ ဆောက်လုပ်ရေး လုပ်သားတွေရော လုပ်အားပေးနေတဲ့ ရေတပ်က စစ်သားအချို့ ပါ စေတီပရ၀ဏ်အတွင်းမှာရှိနေပါတယ်၊ ဒါကြောင့် အရပ်သားဆောက်လုပ်ရေး ၀န်ထမ်းတွေအပြင် ရေတပ်သားအတော်များများပါ ဒဏ်ရာရရှိသွားခဲ့တာဖြစ်ပါတယ်။
မြန်မာအစိုးရ ထုတ်ပြန်ချက်မှာတော့ အရပ်သား နှစ်ဦးသေဆုံးပြီး တပ်မတော်သား ၂၆ဦး အရပ်သားရှစ်ဦးဒဏ်ရာရခဲ့တယ်လို့ ဆိုပါတယ်၊ ဒါပေမယ့် ဒေသခံတွေ အဆိုအရတော့ သေဆုံးသူ အရေအတွက်ဟာ ဒီထက်များနေပါတယ်၊ မျက်မြင်တွေကတော့ ပြိုကျပြီးတဲ့နောက် အုတ်ပုံတွေကြား ပိတ်မိနေသူတွေ အတော်များများရှိတယ်လို့ ပြောပါတယ်။
ကဆုန်လပြည့်နေ့ မတိုင်ခင် မေလဆန်းထဲကပဲ ဓနုတ်စေတီထီးတော်တင်ပွဲကျင်းပခဲ့ပြီး ဒီပွဲကို စစ်ခေါင်းဆောင်ဗိုလ်ချုပ်မှုးကြီးသန်းရွှေဇနီး ဒေါ်ကြိုင်ကြိုင် ကိုယ်တိုင် တတ်ရောက် ထီးတင် ရေစက်ချခဲ့ပါတယ်၊ စေတီဟာ အရင် နာဂစ်မုန်တိုင်ဒဏ်ကိုလည်း ခံခဲ့ရတာကြောင့် အခု ပြန်လည် ပြင်ဆင်မွန်းမံနေတာဖြစ်ပါတယ်။
အစိုးရထုတ်ပြန်ချက်မှာတော့ စေတီတော်ကို မွမ်းမံရာမှာ မူလမျှော်မှန်းထားတဲ့ ၀န်ထက် ပိုများလာပြီး စေတီကိုယ်လုံးတော်ပိုင်းဆိုင်ရာ ထိခိုက် ပျက်စီးသွားတာဖြစ်တယ်လို့ ဆိုထားပါတယ်၊ ဒါ့အပြင် အလှုရှင်တွေရဲ့  ဆနအြရ မိုးမကျမီ အားလုံးပြီးစီးဖို့ မွန်းမံပြင်ဆင်ရာမှာ အချို့  နေရာတွေ အရည်အသွေးပိုင်းလိုအပ်ချက်ရှိခဲ့တယ်လို့ လည်း ဖော်ပြပါတယ်၊ စေတီပြိုကျပြီးပြီးချင်း စေတီပြိုကျရာနေရာကို အနီးအနားဝန်းကျင်က ပြည်သူတွေ လာရောက်ကြည့်ရှုတာကြောင့် နောက်ပိုင်း လုံခြုံရေးအာဏာပိုင်တွေရောက်ပြီး စေတီတ၀ိုက်ကို ပိတ်ပင်ခဲ့ပါတယ်၊ အာဏာပိုင်တွေဟာ ကယ်ဆယ်ရေးထက် လုံခြုံရေးကို ပို ဦးစားပေးလွန်းတယ်လို့  ဒေသခံအချို့ က သုံးသပ်ဝေဖန်ခဲ့ကြပါတယ်။
အီးမေးလ်
ပုံနှိပ်ရန်
