Abanyarwanda batandukanye bakiriye neza intsinzi ya Senateri Barack Obama. Inkuru nyamukuru iri kuvugwa mu Rwanda, yerekeye itorwa rya Senateri Barack Obama. Abavuganye n'Ijwi ry'Amerika ku italiki ya kane y’ukwezi kwa 11, bagize bati" intsinzi ya Perezida Barack Obama ikoze amateka ku isi. Yerekanye imbaraga za demokarasi".

Mu kiganiro Perezida w'u Rwanda Paul Kagame yagiranye n'abanyamakuru, yavuze ko abanya Afrika bagomba kwikemurira ibibazo byabo, ko batagomba gutegereza ko Perezida Obama azabibakemurira. Perezida Kagame yavuze ko intsinzi ye igomba kubera urugero isi yose, aho icyo abaturage bashaka aricyo gikorwa binyuze muri demokarasi.

Madamu Mukamana Rose afite imyaka 25 y'amavuko, yadutangarije ko asanzwe adakunda politiki cyane. Ati" Ariko amatora yo muri Amerika nayakurikiraniye hafi. Yongeyeho ko mu ijoro ry'uwa 4 z'ukwezi kwa 11 mu mwaka wa 2008, yaraye yicaye areba uko amajwi y'amatora abarurwa muri Amerika. Ati" nabera, niboneye  icyo demokarasi aricyo".

Bwana Rutikanga Alexis nawe yatubwiye ko demokarasi yo muri Amerika itabaho." Ati no kuba McCain yemeye ko yatsinzwe nayo ubwayo ni demokarasi".  Rutikanga asanga ari ibintu bitabaho muri Afrika, aho ahenshi n'uwatsinzwe atabyemera, ahubwo avuga ko yibwe amajwi, akirukira mu nkiko.

Mu mujyi wa Kigali hateganijwe ibirori bitandukanye hirya no hino, aho banywera bishimira intsinzi ya Perezida Barack Obama.