Etazini/Eleksyon: Eta Pennsilvani ap òganize eleksyon primè li jodi madi 22 avril la
Kandida a la prezidans Pati Demokrat la, Sen. Barack Obama, D-Ill., ap salye kèk patizan nan vil Paoli, Eta Pennsilvani.
Daprè tout konsiderasyon, se yon eleksyon ki enpòtan anpil pou Pati Demokrat la, paske li kapab deside konbe kandida k ap rete nan kous la, daprèzavwa Hillari Clinton byen kapab pran desizyon kite kous la si li pa ranpòte yon gwo viktwa sou rival li, Senatè Barack Obama.
158 delege an je nan primè Pennsilvani an e chakenn nan 2 kandida yo konte pran yon gwo moso nan gato elektoral sa a: Madan Clinton pou rezon nou deja di a, epi Senatè Obama pou l kapab ranfòse pozisyon n kòm kandida ki nan tèt kous pou nominasyon Pati Demokrat la.
Kandida a la prezidans Pati Demokrat la, Sen. Hillary Rodham Clinton, D-N.Y., t ap mennen kanpay nan vil York, Pennsilvani.
Dènye sondaj yo montre Senatè Clinton genyen yon avans 7 pwen sou Senatè Obama, alòske sa pa gen lontan avans sa a te nan nivo 20 pou san. Se nan 2 zou 3 semèn ki pase yo Barack Obama rive redui eka sa a.
Pou plis detay sou primè Eta Pennsilvani an, klike sou lyen ki an lè a.
Voye kourye sa a bay yon zanmi
Vèsyon ou ka enprime
