Gwo lapli kap tonbe sou Depatman Latibonit la pwovoke inondasyon ki pran lavi 3 moun pou pi piti, kraze pon e detwi plizyè kay nan seksyon riral ou kominal vil Sen Mak yo.
Lapli ki vide pandan fen semèn pase lakòz rivye desann ak destruksyon kay ak jaden kiltivatè, san konte pon ki tonbe ak tèt bèt ki dlo bwote.
Fonde pouvwa nan Depatman an lanse apèl pou mande Biwo Pwoteksyon Sivil nan Pòtoprens voye asistans prese-prese nan zòn sinistre yo, kote anpil moun swa pèdi kay yo ou kay sibi gwo dega nan move tan an. Vil Sen Mak sou yon distans 70 kilomèt ak kapital la, Pòtoprens.
Pou plis presizyon Lavwad'lamerik te pale ak majistra kominal Sen Mak la, Bonard Charles. Klike sou ralonj ki sou atik sa a.
Pou lòt nouvèl yo ale sou Pwogram Apre midi a agòch sou sit web Sèvis Kreyòl VOA a.
Voye kourye sa a bay yon zanmi
Vèsyon ou ka enprime
