 |
| Sèjan. Anthony Sills ak madanm li devan baz Fort Hood, Tekzas, 05 Nov 2009 |
Yon ofisye lame amerikèn nan, e petèt 2 konplis li, louvri kout-zam nan yon gwo baz militè jedi apre midi nan Eta Tekzas e pran lavi omwen 13 moun e blese 30 lòt. Otorite yo nan Tekzas idantifye sispèk ki komèt zak sa a kòm Majò Nidal Malik Hasan.
Kòmandan Fort Hood la, Lyetnan-Jeneral Bob Cone, di ofisye a te tonbe tire nan yon batiman kote sòlda ap fè dènye preparasyon pou yo ale swa nan Irak ou nan Afghanistan. Jenral la fè konnen sispèk la te genyen 2 "revolvè" e se posib ke l' te genyen 2 konplis ak li.
Jeneral Cone presize asayan an "mouri nan atak la" e misye se yon sòlda ameriken. Li di "Nou poze-men sou 2 lòt sòlda nou sispèk ki te patisipe nan aksyon an".
Men nouvèl ki tonbe vè 03:30gmt (10 zè edmi diswa, lè Washington) fè konnen Hasan senpleman blese e li anba men otorite yo pandan lap resevwa swen nan lopital. Nidal Malik Hasan se yon ameriken-jòdanyen, yon medsen-sikyat nan lame a e yon mizilman.
Jeneral
Cone endike, dapre plizyè temwen 2 lòt sòlda te tire kout zam tou epi yo kouri, men fòs sekirite jwenn yo andedan yon kay ki toupre lokal ensidan an. Kòmandan Cone kalifye zak la kòm yon "terib ensidan e yon trajedi ki choke lespri moun".
Otorite and obsèvatè yo sezi ke nonm ki komèt zak sa a se yon militè. Grad
Majò se katriyèm  |
| Majò Nidal Malik Hasan (Foto a pa gen dat) |
nan yerachi lame a ki genyen 10. Nouvèl yo di Hasan preske genyen 40 tan.
Responsab yo pa di ki rezon ou motif ki pouse misye poze zak sa a. Atache laprès Depatman Defans Etazini an, Pentagòn nan, Geoff
Morrell, di li twò bonè pou eseye eksplike ki motif ki pouse Hasan komèt aksyon sa a. "Mwen pa konnen kòman kèlkeswa moun nan ka fè spekilasyon sou motif, lè'm konsidre tikras detay nou genyen yo".
Fort
Hood se youn nan pi gwo baz lame amerik nan nan lemond. Apeprè 30.000 sòlda ak
sivil ap travay ladan, san bliye plizyè milye fanmi sòlda ki abite nan
baz la. Anplis moun sa yo, genyen 30 mil sòlda ki sòti nan Fort Hood ki
aktyèlman an misyon aletranje.
Militè li yo sèvi plizyè fwa deja nan Irak ak nan Afghanistan, sa ki fè sèten moun ap mande eske se pa "stress" apre misyon sa yo ki alabaz fiziyad la--yon pwen otorite yo pa ni konfime ni demanti.
Geoff
Morrell fè konnen li enfòme minis defans lan, Robert Gates, tousuit sou ensidan trajik la e li te pale tou ak sekretè prezidan Barack Obama a.
Deklarasyon Prezidan Obama sou fiziyad Ft. Hood la--gade (WM)
(ann angle)
Deklarasyon Prezidan Obama kap pale sou fiziyad Ft. Hood la--telechaje (WM)
E-mail
Enprime
