Football

Espayòl yo penture vil la an wouj pou akeyi seleksyon nasyonal la ki sot ranpòte koup dEròp la fas a Almay.
Kosta Rika nonmen Rodrigo Kenton kòm nouvo antrenè seleksyon nasyonal la pou ranplase Hernan Medford ki revoke akoz movèz pèfòmans seleksyon an renmèt nan mwa ki pase yo.

Basketball

Washington Wizards re-siyen yon kontra ak Antwan Jamison pou yon dure 4 tran kap koute 50 milyon dola. Kounye a ekip la kapab konsantre pou l negosye ak vedèt Gilbert Arena ke kontra l ekspire maten an. Arena te poze kòm kondisyon pou l rete jwe nan Washington Wizard si e sèlman si responsab yo siyen kontra ak Antwan Jamison.

Tennis

Swis Roger Federer kalifye pou kar de final tounwa tenis Gran Shelem Wimbledon nan nan moman Sèb Jelena Jankovic fè malèt li.
Tamarine Tanasugarn wouze Jankovic ak 2 kout rakèt 6-3, 6-2 pou l tounen premye Tailandè ki kalifye pou kar de final yon tounwa Gran Shelem.
Federer kontinye tantativ pou l ta ranpòte tounwa a yon 6 zièm fwa afile apre li elimine Ostralyen Lleyton Hewitt 7-6, 6-2, 6-4. Espayòl Rafael Nadal pat rankontre oken difikilte pou l kalifye nan kar de final la apre li tronse Rus Michael Youzhny 6-3, 6-3, 6-1. Nadal pral rankontre Britanik Andy Murray ki remonte yon defisi 2 manch avan li elimine franse Richard Gasquet 5-7,3-6,7-6,6-2,6-4.
Ameriken Serena ak Venus Williams kalifye tou.

Cyclisme

Siklis Ameriken Floyd Landis pèdu dènye apèl li te fè devan tribunal Spòtif la nan vil Lauzann an Swis pou l te konsève tit Tour de Frans li te ranpòte an 2006.
Tribunal la fè konnen tès pozitif ki te fèt sou siklis la toujou valab. Tribunal konfime pou Landis resevwa yon suspansyon kap fini 29 Janvye 2009 e pou l peye ajans anti dopaj ameriken an 100 mil dola kòm frè enstitusyon an depanse pou l pouswiv dosye a nan tribunal..
Landis, ki pa janm sispann di li inonsan, fè konnen desizyon an fè l tris, li pral etudye opsyon legal pou l deside sa ki pibon pou li.

Natation

Najè ameriken yo kòmanse bat rekò menm avan yo patisipe nan Je zolenpik yo. Nathalie Coughlin reprann rekò li te pèdu nan kous 100 mèt eliminatwa natasyon ameriken an. Hayley McGregory, ki pat kalifye pou je zolenpik Atè n 2004 yo, bat yon rekò tou.