Tennis/ Legg Mason

Arjanten Juan Martin del Potro kalifye pou kar de final tounwa tenis Legg Mason nan kap dewoule isit Washington apre li kale Izrayelyen Dudi Sela 6-0. 7-5, 6-2. Alman Tommy Haas kalifye tou apre li wouze ak kout rakèt franse Nicholas Mahut 7-6, 6-1. Haas pral rankontre Kolonbyen Alejandro Falla nan kar de final la. Falla elimine franse Florent Serra 7-6, 7-6.
 

Je Zolenpik/ Judo


Ameriken dorijin ayisyèn Adler Volmar, kategori pwa lour mwayen pèdu an premye tou konpetisyon judo fas a Amel Mekic, ki soti nan Bosni Herzegovinn. Volmar, ki gen 31 ane, te pote drapo Ayiti nan je zolenpik Atlanta yo an 1996.

Tennis

Ameriken James Blake mete fen nan tantativ Swis Roger Federer tap fè dèyè yon meday Olenpik ak 2 kout rakèt 6-4, 7-6. Rus Elena Dementieva remonte yon defisi pou l kale ameriken Serena Williams 3-6, 6-4, 6-3.

Seleksyon basketbal olenpik ameriken an pase premye tès serye depi je yo kòmanse apre yo kale la Grès 92 a 69 pou kalifye nan pwochen tou a.

Je Zolenpik

Peyi Azyatik yo pase yon bon jounen jodi a nan natasyon ak nan jimnazyòm je zolenpik vil Peken yo. Najè Japonè Kosuke Kitajima tounen premye najè ki ranpòte konpetisyon naj bras la nan yon menm je zolenpik. Kitajima ranpòte konpetisyon an nan kous 200 mèt la bonè maten an apre li te deja ranpòte konpetisyon bras la nan kous 100 mèt la.
La Chin ranpòte premye meday dò l nan nan natasyon kous 200 mèt papiyon kote yo pran meday dò ak lajan.Chinwa Liu Zige bat yon nouvo rekò du mond.
Chinwa Yang Wei ranpòte meday dò nan jimnastik kategori maskulen. Franse Alain Bernard ranpòte meday dò nan kous 100 mèt naj lib la.

Nan tablo meday yo la Chin pran tèt ploton an devan Etazuni ak yon total 35 meday pami yo 22 an ò. Etazuni klase 2 zièm ak 34 meday pami 10 an ò. Ansuit nou jwen Kore du Sud ak Ostrali ki gen 16 meday yo chak. Kuba klase 13 zièm pou Karayib la ak yon total 6 meday 1 an ò, 3 an arjan ak 2 an bronz.

Je Zolenpik / Près

Komite Olenpik entènasyonal la dezaprouve desizyon otorite chinwa yo pran pou arete yon jounalis Britanik ki ta bay nouvèl sou manifestasyon an favè Tibet ki dewoule pandan je zolenpik Peken yo. Otorite yo te libere jounalis britanik la apre li te prezante kart de près li.
Nan menm manifestasyon an la polis arete 7 sitwayen ameriken ak yon sitwayen Japonè., manb group ki rele Pro Tibet.