Apre yon semèn bonbadman aeryen kont militan ak dirijan Hamas yo nan
Gaza, twoup israelyen yo antre nan tèritwa palestinyen an ke gwoup
militan an kontwole. Envazyon sa a, se yon endikasyon ki montre entasyon Israel pou l' etann
ofansiv li a kont Hamas. |
| Tank israelyen kap pran direksyon Gaza, apati lizyè ki separe Israel ak tèritwa palestinyen an. 04 Mar 2008 |
Temwen fè konnen tank israelyen, twoup atè--avèk apui elikoptè--antre samdi, alabrin di swa, nan vil Beit Lahiya,
yon vil Gaza. Medya yo rapòte gwo batay ap dewoule nan rejyon an.
Otorite militè israelyen yo di Israel pral pwolonje operasyon an ki
vize, dapre deklarasyon yo, detwi enfrastrikti militè Hamas nan tèritwa
a. Plizyè milye sòlda israelyen ak tank te gonfle depi plizyè jou sou
fwontyè Gaza a, an preparasyon ak envazyon atè sa a ki fèt samdi 3
janvye 2009 la. Israel rele tou sou lè zam plizyè milye militè rezèv.
Avyon israelyen yo, vedèt rapid ki gen abò yo fizi auto-mitrailleuses
atake samdi plizyè sib Hamas nan tèritwa palestinyen an. Yon lòt gwo
kòmandan Hamas, Abu-Zakariya al-Jamal, pèdi lavi li nan ofansiv Eta
juif la. Msye se 3 zyèm nan chèn kòmandman gwoup militan an ki mouri
depi operasyon militè israelyen an kont Hamas la, operasyon ki antre samdi nan dezyèm
semèn li. Nan Washington, DC, prezidan Bush, ki pale pou la premyè fwa samdi
sou kriz Gaza a, ![[insert caption here]](/creole/images/ap_israel_gaza_palestinian_175_03Jan09.jpg "[insert caption here]")
deklare:tout sesel'feu nan kriz la dwe yon sese’lfeu
toutbon ke moun ap respekte”. Mesye Bush di "yon lòt sese’lfeu pa
akseptab si se yon sesel’feu kap debouche sou atak ak wokèt sou Israel.
Epi pwomès sèlman bò kote Hamas pap ase. Dwe genyen anplas mekanism pou siveye e asire ke zam pap antre anba-chal al jwenn gwoup teworis yo.
Bagay sa a dwe sispann !
Deklarasyon prezidan Bush nan mesaj-radyo li
voye chak samdi bay pèp ameriken an. Prezidan George Bush ajoute: se
Hamas ki deklanche spiral vyolans lan--yon pozisyon La Mezon Blanch te
deja eksprime nan semèn nan.
E-mail
Enprime
