Serena Williams, Chanpyòn Wimbledon 2009

Serena Williams kale gran sè li, Venus, 7-6, 6-2 samdi nan final tounwa tennis Wimbledon 2009 la, ann Angletè. Viktwa sa a, se twazyèm li ranpòte nan "All England Club la" e onzyèm tit "Grand Chelem" li.

Nan katriyèm fas a fas yo nan final Open britanik la, pou yon twazyèm fwa, se Serena ki remèt meyè pèfòmans la sou teren an, kote li domine gran sè a, pou l' ranpòte premye set la sou tiebreak (jeu décisif 7-6) epi domine dezyèm manch la jiskaske li voye Venus "remise à ses parents" ki, bagay ki ra nan domèn tennis la, se papa ak manman Serena tou.

Viktwa Serena a, premye li nan Wimbledon depi sizan (6 ans), vin anpeche Venus--senk fwa chanpyòn konpetisyon an, tounen premye atlèt fi depi almand Steffi Graf (1991-93) ki ranpòte  tounwa Wimbledon nan twa ane youn apre lòt. A yo de a, de sè  William yo rafle 8 sou 10 twofe Wimbledon yo pandan dis dènye ane yo.

Nan katriyèm bal de match la, lè Venus lage yon boul nan filè a apre yon sèvis ti sè a, Serena Serena lage kò'l atè sou gazon, de bra anlè ak de je'l fèmen, pou l' selebre kado (?) sa a ki vin mete palmarès li a onz tit chanpyon Grand Chelem. E, jan sa pase souvan lè de sè yo rankontre nan final, venkè a pa selebre twòp tankou li fè apre li kale yon lòt advèsè... e nou ka konprann byen poukisa. Apre match la, Serena mache al bay Venus akolad pa lòt bò filè a. Epi Venus, ventnevan, reponn anbrasad la avèk kèk ti tap amikal sou zepòl Serena, vennsetan, kòmkidire pou di li "bon travay".

Kidonk, se Serena ki pati ane sa a ak twofe "Venus Rosewater Dish la", ke Venus te ranpòte

Serena ak Venus Williams, chapyòn e vis-chanpyòn Wimbledon 2009

pandan de dènye ane yo.

Nan entèviou li bay apre match la, Serena Williams te genyen deklarasyon sa a: “se reyèlman yon sansasyon fòmidab”. “Mwen santi m' beni. Mwen santi kòmkwa mwen pa ta dwe kenbe twofe sa a nan men mwen. Mwen pa ka kwè mwen genyen l' nan men mwen. Li pote non Venus e'l toujou ranpòte li. Mwen poko ka finn kwè mwen genyen li."

Serena te bat Venus nan final 2002 ak 2003 a, anvan Venus te repran avantaj la nan final ane pase a. Pou Venus, "Serena te twò bon jodi a". Li te genyen yon parad pou tout sa'm fè. Li jwe pi bon tennis la jodi a. Alòs, felisitasyon."

De sè yo ap retounen sou "Center Court la", teren santral la, ankò nan fen jounen an pou final doub medam yo, kote yo pral kwaze rakèt ak Ostralyèn Samantha Stosur e ak Rennae Stubbs. Yo pral chèche ranpòte katriyèm twofe doub yo nan Wimbledon e dizyèm tit chanpyòn doub yo nan yon tounwa Grand Chelem.

Venus te rive nan final la kòm favori apre bèl pèfòmans (pi bon nan karyè li, dapre espesyalis yo) li remèt sou gazon Londres la pandan tout konpetisyon an. Pandan 2 semèn, li pa janm pèdi menm yon sèt nan 17 match li jwe. Men, samdi 4 jiyè a, li pat ka siye kajou Serena a, ki te demontre anpil detèminasyon ak yon swaf "irrésistible" pou l' pran koup la.

Serena Williams, chanpyòn Wimbledon 2009

Serena kounye a genyen yon avantay onz viktwa kont dis sou sè li--pami yo, sis kont de nan final Grand Chelem yo jwe.

Final mesye yo ap jwe dimanch 5 jiyè a e lap mete fas pou fas suis Roger Federer, kap chèche bat rekò 15 tit chanpyon Grand Slam li, ak ameriken Andy Roddick, de fwa finalis nan Wimbledon. Federer, ki chanpyon 5 fwa deja sou gazon angle a, gen yon palmarès 18 viktwa a 2 sou Roddick. Se setyèm final youn apre lòt Federer ap jwe nan Wimbledon e ventyèm final Grand Chelem karyè li.

Chanpyòn nan ap touche $1 milyon 230 mil dola ameriken (850 mil liv britanik. 1 pound= $1.45) menm jan ak chanpyon kay mesye yo. Venus resevwa 425 mil liv.  Pou final doub medam yo, ke de sè yo ranpòte, yo touche 230 mil liv britanik.

Klasman Asosyasyon Tennis Pwofsyonèl Medam yo, WATP: