Netanyahu

Premye-Minis izrayelyen an envite Prezidan Pouvwa Palestinyen an chita koze avè l' sou dosye lapè nan MwayennOryan an. Benjamin Netanyahu deklare dimanch maten, pandan Konsèy Kabinè a, li pa wè okenn rezon pou li-menm ak Mahmoud Abbas pa kapab rankontre.

Reyaksyon nan kan palestinyen an: Yon pòt-pawòl Prezidan Abbas di Msye Netanyahu pa montre vre li dispoze fè konpwomi ki nesesè pou mouvman lapè a ka vanse, sitou sou dosye kay kap bati jiskaprezan sou tè palestinyen yo (anpalan de Sisjòdani) ak lide kreyasyon yon Eta Palestinyen endepandan.

Lidè palestinyen an ak Premye-Minis izrayelyen an pa rankontre fas-pou-fas depi Bibi Netanyahu retounen sou pouvwa a nan mwa mas 2009 la.

Ou ka koute repòtaj sa a si ou fè klik sou ralonj ki anwo, adwat paj la.