Prezidan pwovizwa Honduras  la, Roberto Micheletti (Foto achiv)

Gouvènman pwovizwa peyi Honduras la yon ti jan relache yon entèdiksyon li te mete sou tout manifestasyon anvan eleksyon yo ki fikse pou 29 novanm pwochen. Pandansetan prezidan depose a, Manuel Zelaya,  kòmanse 5èm semèn ni nan anbasad Brezil la nan.

Tegucigalpa kote li pran refuj depi li te retounen nan peyi a. Chita-tande kap fèt ant 2 pati yo  nan kad kriz politik sa a, te  rekòmanse lendi 19 oktòb la, men pa genyen okenn siy ki montre gen pwogrè ki fèt sou pwen ki reprezante pi gwo mezantant la: sètadi eske mesye Zelaya ap tounen  sou pouvwa a ?

  Vilma Morales, yon pwòch kolaboratè prezidan pwovizwa

Prezidan depoze  Manuel Zelaya (Foto achiv)

Honduras la, Roberto Micheleletti, di laprès yè lendi a sistèm jistis peyi a dwe deside si wi ou non mesye Zelaya ap retounen nan plas li.

Ofisyèl nan kan mesye Zelaya a rejte pawòl sa a ke yo konsidere  kòm yon pwopozisyon  dwòl e ridikil. Mesye Zelaya lame te arete e voye ann egzil nan dat 28 jen pase a, pwopoze pito pou palman Honduras la pran yon desizyon sou re-enstalasyon n sou pouvwa a.  Pandansetan presyon kominote entènasyonal la kontinye peze sou do gouvènman Micheletti a pou li renmèt pouvwa a bay mesye Zelaya.

***********************************

Prezidan brezilyen an,  Luiz Inacio da Silva, alias Lula. (foto achiv)

Nan peyi Brezil mem, prezidan Luiz Ignacio da Silva, alyas Lula,   pwomèt pou l konbat trafikan dwòg yo ki responsab lanmò plis pase yon douzèn kretyen vivan  nan vyolans ki te eklate  nan wiken pase a  nan Rio Janeiro, vil ki pral resevwa  Je Zolenpik 2016 yo. Prezidan Lula deklare lendi 19 oktòb la  nan Sao Paulo, gouvènman l la ap konsanti nenpòt sakrifis ki nesesè pou li netwaye sa l rele "dezòd sa a trafikan dwòg yo tabli nan peyi Brezil".
Otorite brezilyèn yo te oblije deplwaye dimanch 18 oktòb la  omwen 2 mil lòt sòlda nan Rio de Janeiro,  yon jou apre afwontman  te dewoule ant gang dwòg ak fòs sekirite yo kote 14 moun te pèdi lavi yo.

 Fòs sekirite yo fè yon demonstrasyon lafòs nan mem dimanch la   nan kèk bidonvil Rio e yo ensiste pou di pwoblèm ensekirite sa a pa mete an kesyon  Je  Zolenpik 2016 yo.  12 moun yo sispèk kòm manm gang mouri  nan batay sa a ki te kontinye jous dimanch la.  2 polisye mouri e 4 lòt  blese. 

La jistis nan peyi Kolonbi re-ouvè ankèt li tap mennen sou vis prezidan peyi a,  Francisco Santos, ki anba akizasyon kòmkwa li nan konivans ak fòs paramilitè zèl dwat yo. Biwo minis jistis la (Guillermo Mendoza)  pran desizyon an yè lendi a, 2 zan apre premye ankèt la  te kòmanse.  

*************************************

Siklòn Rick pèdi fòs pou l desann  nan kategori yon  tanpèt twopikal. Sant Nasyonal Ouran Etazini an ki baze nan Miami presize van siklòn nan konnye a ap soufle a 110 kilomèt lè . Rick twouve l sou yon distans  plizyè santèn kilomèt ak rejyon Cabo San Lucas, ki nan pati nòdwès peyi Meksik. Espesyalis meteo prevwa fòs tanpèt twopikal la pral desann toujou nan jou  kap vini yo.

jbeliz@voanews.com