دصوبه سرحد داطلاعاتو وزير ميا افتخار حسين دکابينې دپريکړو په اړه ژورنالستانو سره په خبرو کې وويل صوبايي حکومت دخبرو اترو له لارې دامنيت ټينګښت غواړي خو کوم خلک چې دخبرو اترو دلارې پريښودو په ترڅ کې دتشدد لاره خپلوي نو دهغوي په ضد به طاقت استعمالولى شي.

دسرحد حکومت صوبه کې دامنيت دخرابوونکو عناصرو په ضد په نره دمقابلې اؤ دهغوي په ضد دکوټلي طاقت داستعمال فيصله کړې ده.
دغه پريکړه پيښور کې دسرحد کابينې غونډه کې وشوه، ددغه غونډې مشري دصوبه سرحد وزيراعلي امير حيدر خان هوتي کوله.
له غونډې وروسته دصوبه سرحد داطلاعاتو وزير ميا افتخار حسين دکابينې دپريکړو په اړه ژورنالستانو سره په خبرو کې وويل صوبايي حکومت دخبرو اترو له لارې دامنيت ټينګښت غواړي خو کوم خلک چې دخبرو اترو دلارې پريښودو په ترڅ کې دتشدد لاره خپلوي نو دهغوي په ضد به طاقت استعمالولى شي.
دپاکستاني طالبانو دمشر بيت الله محسود دړکې په اړه داطلاعاتو صوبايي وزير وويل ټاکل شوى حکومت به دچا ددړکو څخه ونۀ ويريږي اؤ دتندرويانو په مخکې به وسله ونۀ غورځوي
صوبايي وزير وويل حکومت به خپله ائيني موده پوره کوي.
ميا افتخار وويل حکومت به هر صورت کې داولس دځان اؤ مال خونديتوب يقيني کوي.
هغۀ وويل لمړى به دمارشل لاء لګولو په ترڅ کې حکومت کيدو اؤ اوس تندرويان ټاکل شوؤ حکومتونو ته دړکې کوي، نن هغوي صوبايي حکومت ته دړکه وکړه ، سبا به يې مرکزي حکومت ته وکړي.
دسوات دامن تړون په اړه  دصوبايي وزير وينا وه  صوبايي حکومت به ځايې طالبانو  سره دامن  تړون پابند وي اؤ ددغه تړون پر ټولو مادو به عمل کولى شي.
دهغۀ وينا وه ٢٠ بنديان خوشې کړل شوي دي  اؤ راتلونکو ٣ؤ مياشتو کې به دشريعت دنفاذ ژمنه هم پوره کړل شي.
دسوات څخه دپوځ دواپسۍ په هکله ميا افتخار وويل پوځ به هلته دامنيت دبشپړ ټينګښت پورې موجود وي.
همدغه راز دهنګو دوضعې په اړه هغۀ وويل  حکومت هنګو کې هم دخبرو اترو لپاره چمتو دى.