د بخښنې نړیوالې ادارې ویلي دوي ثبوت لري چې د پاکستاني ادارو لخوا د ٥٠٠ بې درکه خلکو چې یو پکې د نهه کالو ماشوم هم شامل دې د دغه هیواد امنیتي ادارو لخوا نیول شوي دي او تر اوسه بې درکه دي.

د بخښنې نړیوالې یا ایمنیسټي انټرنیشنل یوې نړیوالې ادارې د پاکستان حکومت نه غوښتنه کړې ده چې د هیواد د ترهگرۍ پر ضد جگړه کې  بې درکه شوي خلکو پحقله دې معلومات ورکړي.
د بخښنې نړیوالې ادارې ویلي دوي ثبوت لري چې د پاکستاني ادارو لخوا د ٥٠٠ بې درکه خلکو چې یو پکې د نهه کالو ماشوم هم شامل دې د دغه هیواد امنیتي ادارو لخوا نیول شوي دي او تر اوسه بې درکه دي.
نن د شورو په ورځ ایمنیسټي انټرنیشنل د پاکستان حکومت نه غوښتنه کړې چې د بې درکه خلکو پحقله دې پلټنې وکړي او زیاته یې کړې ځیني بې درکه خلکو باندې تشدد هم شوې دی.
د بشري حقونو نړیوالې ادارې تور لگولې چې د هیواد امنیتي ځواکونه نیول شوي کسان پټو بندي خانو ترمنځ بدلوي او رابدلوي  چې دوي معلومول نور گران کړي.
په دغه بې درکه خلکو کې ځیني د تیرو اوو کالو نه بې درکه دي.
د ایمنیسټي انټرنیشنل دغه رپورټ کې ویل شوي چې ځیني بهرني هیوادونه  چې امریکا هم پکې شامل ده ددغه بې درکۍ خلکو په بې درکې کې لاس لري.