پاکستاني چارواکو هاغه ١١ ايراني عسکر خوشې کړي دي چې دگل په ورځ دپاکستان خاورې ته په وراوړيدلو دبلوچستان څخه پاکستاني پوځيانو نيولي وؤ.

 پاکستاني چارواکو هاغه ١١ ايراني عسکر خوشې کړي دي چې دگل په ورځ دپاکستان خاورې ته په وراوړيدلو دبلوچستان څخه پاکستاني پوځيانو نيولي وؤ.
دايراني چارواکو له مخې دغه نيول شوي ١١ کسان په سيستان بلوچستان ولايت کې ځايې پځايې کړل شوي دايران عسکر وؤ چې دخشاک په قاچاق کې دککړو کسانو په يو گاډي پسې دپاکستان خاورې ته وراوړيدلي وؤ.
دپاکستاني چارواکو له مخې په دغو ١١ؤ ايرانيانيو کې دپاسداران انقلاب ځواک درې عسکر هم شامل وؤ چې ديو څه وخت لپاره نيول شوي وؤ او دپلټنو څخه وروسته خوشې کړل شوي دي.
په پاکستان کې دايراني عسکرو دنيونې او خوشې کيدو دغه پيښه په داسې حال کې رامينځته شوې ده چې تيره اوونۍ دايران په سيستان بلوچستان ولايت کې ديو ځانمرگي بريد له امله ٤٠ کسان وژل شوي وؤ چې پکې زياتره دپاسداران انقلاب عسکر شامل وؤ.
تهران تور لگولى دى چې په دغه بريد کې دايران سُني تندروه ډله جندالله لاس لري چې دپاکستان بلوچستان سرحدي سيمې څخه ايران کې ترهه گريزفعاليتونه ترسره کوي.
پاکستان دايران دکورنيو چارو دوزير داوسنۍ دورې په مهال دجندالله په ضد دکارروايۍ په گډون دتندلاريتوب او گډوډۍ دپيښو مخنيوي لپاره دهر ې ممکنه مرستې باور ورکړى ؤ.
خو پاکستاني چارواکي وايي چې دجندالله مشر عبدالمالک ريگي په پاکستان کې نشته.
که هر څو دپاکستان او ايران ترمينځ په وروستيو کې اړيکوته کوم گواښ نۀ وپيښ شوى خو تيره اوونۍ په سيستان بلوچستان ايالت کې دځانمرگي بريد ترسره کيدو څخه وروستو په دغه اړيکو کې يو څه تريخوالى راغلى دى.