د پاکستان وزيراعظم يوسف رضا گيلاني ویلي دترهگرۍ پر ضد ټول قام يو موټى دى او په هيواد کې اوسنۍ رامينځته شوې دورانکارۍ پيښې دترهګرۍ پر ضد دروانو عملياتو غبرګون دى.

د پاکستان وزيراعظم يوسف رضا گيلاني ویلي دترهگرۍ پر ضد ټول قام يو موټى دى او په هيواد کې اوسنۍ رامينځته شوې دورانکارۍ پيښې دترهګرۍ پر ضد دروانو عملياتو غبرګون دى.
ښاغلي گيلاني وويل اوس ترهگر امنيتي ځواکونه او قانون پځايې کوونکې ادارې په نخښه کوي.
دهغه وينا وه په سوات کې دتندلارو په ضد دکاميابو عملياتو څخه وروستو اوس په قبائيلي سيمو کې دتندلارو په ضد پوځي عمليات روان دي چې له امله يې ترهه گر دپښو څخه پريوتې دي.
گيلاني دا هم وويل چې داولس په مرسته به ترهه گرو ته په ماتې ورکولو کې بريالي کيږو. يوسف رضا گيلاني وويل اوس په هيواد کې دامريت تور دور ختم شوى او زمونږ پوځيان دترهگرو ځالو ته ورننوتلي دي.
دهغه وينا وه دا مهال هيواد ته کورني او بهرني چيلنجونه پيښ دي چې دمقابلې لپاره يې حکومت گامونه اخلي.
 وزيراعظم گيلاني دجمهوررئيس اصف علي زرداري په هکله دپخواني جمهوررئيس پرويز مشرف دڅرگندونو په اړه ديوې پوښتنې په ځواب کې وويل  ٨ کاله په غير قانوني توگه دحکومت کوونکي پرويز مشرف څخه هم ددغه رقم بيان هيله کيدلى شوه.
ويلي دي داين ار او په هکله به دسترې محکمې پريکړه منو.
دچارشنبې په ورځ په اسلام اباد کې ميډيا سره دخبرو په وخت وزيراعظم وويل زمونږ دا خوښه نۀ وه چې گنې اين ار او  پارلمان ته راوړل شي  اودغه شان مو دسترې محکمې دپريکړې له امله وکړل خو دايوان رايې وه چې دغه صدارتي امر پارلمان ته وړاندې نۀ کړل شي ځکه نو مونږ دايوان رايې ته درناوى ولرلو.
هغه وويل کۀ چرې مونږ پارلمان ته اين ار او راوړل غوښتل نو دسترې محکمې دامر څخه وړاندې مو راوړلى شوه.
نوموړي وويل داين ار او څخه دگټه پورته کوونکو نمونه به پارلمان ته راوړلى شي او کله چې دسپيکر لخوا اجازه ورکړل شي نو اړونده چارواکي به فهرست جوړ دپارلماني چارو وزارت ته به يې وسپاري.
دنهې په ورځ په قومي اسمبلۍ کې داپوزيسون مشر چوهدري نثارعلي خان ويلي وؤ پخواني پوځي جمهوررئيس پرويز مشرف پخپل بيان کې دپاکستان دجمهوررئيس اصف علي زرداري  سپکاوى کړى دى  او  حکومت او پيپلز گوند ته پکار ده چې  په دې احتجاج وکړي.