په مینگوره کې جلسې ته وینا کې صوفې محمد د پاکستان عدالتې نظام غیر شرعې گځولی دی

دغيرفعاله کړل شوي مذهبي تنظيم تحريک نفاذ شريعت محمدي مشر مولانا صوفي محمد ويلي دي  دپاکستان موجوده عدالتي نظام  غيرشرعي اؤ غيرائيني دى.

په مينگوره کې د زرگونو خلکو  جلسې ته دوينا په مهال صوفي محمد وويل دپاکستان عالي اؤ ستره محکمه غيرشرعي دي اؤ  دغو ادارو ته اپيل کول يو حرام کار دى.

دتحريک نفاذ شريعت محمدي مشر وويل کۀ چرې دوی په پر پريکړو نيوکه لرلې نو ارالقضاء ته مراجعه کيدلى شي.

نوموړي وويل دپاکستان ټولې محکمې غير شرعي اؤ غير ائيني دى ځکه نو په شرعي عدالتونو کې کيدونکې پريکړې به دغلته نۀ شي چيلنج کيدلى.

هغه په حکومت غږ وکړو چې په امن تړون عمل پيل کړي.

 نوموړي وويل واکمنان دکفر نظام پځايې کولو د لارې غربې نړۍ خوشحالوي.

 هغۀ زياته کړه دصوبه سرحد حکومت په سوات کې دامن تړون پځايې کولو سره داسلام اؤ وطن سره د ملگرتیه ثبوت وړاندې کړو.

ښاغلي صوفي محمد وويل په ملاکنډ سيمه کې به دارالقضاء جوړولى شي.