د پاپ موسيقۍ نامتو ستورى مائيکل جيکسن  د جنازې مراسم به  د امریکا  لاس اینجلېس ښار کې د نهې په ورځ تر سره کېږي

د پاپ موسيقۍ نامتو ستورى مائيکل جيکسن  د جنازې مراسم به  د امریکا  لاس اینجلېس ښار کې د نهې په ورځ تر سره کېږي.
داسې تمه کېږي چې په دغه مراسمو کې به د مائیکل جیکسن مینه وال گرده نړۍ نه برخه اخلي.
٥٠ کلن مائيکل جيکسن د تیر زيارت په ماسپښين دزړۀ دوره راغله چې له دې وروسته هغه دکيلي فورنيا روغتون ته په بيړنۍ توگه ورسول شو خو هغه دغلته ساه ورکړه.
دجيکسن دمړينې له امله په ټوله نړۍ کې دهغه په لکونو مينه وال دسخت خفگان او خواشينۍ سره مخ دي.
دموسيقۍ ددنيا بې تاجه بادشاه مائيکل جيکسن په ٢٩ اگست ١٩٥٨ء کې دامريکا په انډيانا رياست کې زيږيدلى ؤ
  هغه  د١١ؤ کالو په عمر کې دخپلو٤ؤ وروڼو سره په گډه  دجيکسن پينځه په هنري ډله کې کار پيل کړى ؤ.
 او په کال  ١٩٧٠ء کې ځانله گانې ويل پيل کړل ، چې دغه شان هغه  په ټوله نړۍ کې ځانله يو نوم پيدا کړو او زيات بريالى وگرځيدو.
په کال ١٩٧٩ء کې يې د اف دي وال په نوم يو البم مخې ته راغلى  چې دموسيقۍ مينه والو زيات خوښ کړو او ددغه البم يو کروړ او لس لکه کاپيانې خرڅ شوې.
مائيکل جيکسن له دې وروستو نۀ يواځې په امريکا بلکې ټوله نړۍ کې ځانله يو نوم پيدا کړو.
په ١٩٨٢ کې دهغه دالبم تهريلر زيات شهرت وموندلو او له دې وروستو هغه ته دپاپ پاچا يا کنگ اف دي پاپ خطاب ورکړل شو.
دمائيکل جيکسن غږ به نۀ يواځې دپاپ موسيقۍ اوريدونکي په گډا مجبورول بلکې دهغه رقص به هغه ليدونکي پخپل جادو کې گيرول او هغوي ته به يې يوه عجيبه خوشحالي بخښله.
هغه خپل ورور مائيکل جيکسن ته دعقيدت پيرزوئينې وړاندې کړې
دجيکسن ملگري وايي هغه نۀ يواځې يو غوره سندرغاړى ؤ بلکې يو ښۀ انسان هم ؤ.
مشهورې سندرغاړې ميډونا او بروک شيلډ دمائيکل جيکسن په مړينه دخواشينۍ څرگندولو په ترڅ کې ويلي دي دجيکسن دمړينې له امله دموسيقۍ په نړۍ کې يو واټن پيدا شو.