 |
په اسلام اباد کې دبرتانيې دبهرنيو چارو وزير
ډيوډ ملي بينډ سره گډ مطبوعاتي کانفرنس ته دوينا په مهال شاه محمود قريشي
وويل دترهگرۍ په ضد روانه جگړه کې پاکستان دروند قيمت ادا کړى دى
|
د پاکستان دبهرنيو چارو وزير شاه محمود قريشي ويلي دي پاکستان څخه دترهگرۍ دله مينځه وړلو لپاره معاشي ثبات ته اړتيا ده.
په اسلام اباد کې دبرتانيې دبهرنيو چارو وزير ډيوډ ملي بينډ سره گډ مطبوعاتي کانفرنس ته دوينا په مهال شاه محمود قريشي وويل دترهگرۍ په ضد روانه جگړه کې پاکستان دروند قيمت ادا کړى دى.
نوموړي وويل پاکستان ته په دغه جگړه کې د٣٥ؤ اربو ډالرو زيان رسيدلى دى.
هغه وويل په برتنيه کې ميشته لسکه لکه پاکستانيان دبرټانيې ټولنيزې او اقتصادي پرمختيا کې مهم کردار لوبوي.
همدغه راز ډيوډ ملي بينډ وويل برټانيه دپاکستان دستونزو څخه خبر ده او دتر هگرۍ په ضد روانه جگړه کې به يې مرسته دوامداره ساتي.
هغه وويل دپاکستان دمعيشت بحالۍ لپاره پلان جوړولى شي.
دبرټانيې دبهرنيو چارو وزير وويل هغه دجنگ ځپلو سره ليدنې کړي او دهغوي دوضعيت يې په غور سره جاج اخستلى دى.
ایمېل
د چاپ لپاره
