د افغانستان پایه تخت کابل سویلي لوري لوگر ولايت کې ديو سکول څخه بهر د چاؤدنې  له امله  دپوليسو او زده کوونکو په گډون ٢٥ تنه  شوي دي

د افغانستان پایه تخت کابل سویلي لوري لوگر ولايت کې ديو سکول څخه بهر د چاؤدنې  له امله  دپوليسو او زده کوونکو په گډون ٢٥ تنه  شوي دي.
 دغه پيښه په محمد اغې اولسوالۍ  کې رامينځته شوې ده.   
چارواکي وايي دغه چاؤدنه په يو ټرک کې د اورد لرگو لاندې دايښودل شوؤ چاؤديدونکو موادو  دانفجار له امله ترسره شوې ده.
 دلوگر دپوليسو مشر غلام مصطفي وايي دغه ټرک ددوؤ سکولونو ترڅنگ پوليسو لټولو چې پکې زورداره چاؤدنه وشوه.
 مصطفي وويل احتمال کيږي  دغه چاؤديدونکي مواد طالب جنگيالو پلازمينې کابل ته دبريد لپاره دوړاندې څخه دترسره شوي پلان لاندې وړل.
بل لوري ته افغانستان کې ميشت دناټو پوځ پخپله يوه بيانيه کې ويلي دي  په جنوبي افغانستان کې دسړک دغاړې يوې بمي چاؤدنه کې  دناټو دوه عسکر وژل شوي دي.
دغه بيانيه چې دزيارت په ورځ جاري شوې نۀ خو پکې دچاؤدنې دقيق ځايې ښودل شوى او نۀ هم دپيښې ښکار عسکرو دقوميت په اړه څه ويل شوي دي.
 دافغانستان په هلمند ولايت کې دطالبانو په ضد په پراخه کچ دعملياتو پيل کيدلو راپديخوا دافغانستان بيلا بيلو برخو کې دبمي چاؤدنو او په افغاني او ائتلافي عسکرو بريدونو زور نيولى دى.
دامريکا دگډو ځواکونو دکميټې مشر مائيک مولن تيره ورځ خبريالانو ته ويلي وؤ طالبان زيات پياوړي شوي او راتلونکي کال په افغانستان کې دائتلافي پوځيانو او طالبانو ترمينځ سختې نښتې رامينځته کيدلى شي.
دهلمند په عملياتو کې دامريکاقابو څلورنيم زره او دافغانستان شپږ سوه پوځيان برخه لري.