د پاکستان په سفر ورغلي دملګرو ملتونو انډر سکتر جنرال جان هومز ویلي د دواو ملینونه زیاتو بې کوره شوو خلکو بېرته خپلو کورنو ته لېږلو کې مرستو ته تیار دی

د پاکستان په سفر ورغلي دملګرو ملتونو انډر سکتر جنرال جان هومز ویلي د دواو ملینونه زیاتو بې کوره شوو خلکو بېرته خپلو کورنو ته لېږلو کې مرستو ته تیار دی.
خو خبردارې یې ورکړو چې ایا جگړه ځپلې سیمې خوندي شوي هم دی او که نا . ښاغلی هومزد ملاکنډ او باجوړ سيمو دبې کوره شوؤ خلکو دکيمپونو څخه جاج هم اخستې.
 وروسته په اسلام اباد کې ميډيا ته دحال احوال تيرولو په مهال نوموړي وويل  دملاکنډ او باجوړ په کيمونو کې دبې کوره شوؤ خلکو ګڼه ګوڼه او راتلونکى دباران موسم دانديښنې وړ دى.
هغه په حکومت ټينګار وکړو چې  په جنګ ځپلو سيمو کې  دلارو او سړکونو نظام ښۀ کړي چې دغه شان بې کوره شوي خلک خپلو کورونو ته بيرته ستانۀ شي.
دهغه وينا وه دحکومت مسؤليت جوړيږي چې دجنګ ځپلو سيمو ته دکډوالو دبيرته ستنيدنې څخه وړاندې دغلته امنيتي وضعيت ښۀ او داساسي اسانتياوؤ ورکړه يقيني کړي.
جان هومز وويل دبونير څخه بې کوره شوؤ خلکو کې په دريوؤ کې دوه برخې بيرته خپلو سيمو ته ستانۀ شوي دي.
هغه وويل څومره چې دملاکنډ سيمې دبې کوره شوؤ خلکو بحران ستره ستونزه ده دهغې په پرتله نړيوال امداد کم دى.
جان هومز وويل  دطالبانو او پوځيانو ترمينځ دجګړو له امله دځپل شوؤ سيمو اولس ته به دروان کال اخرې پورې دنړيوالو مرستو ضرورت وي.