دپوځ دعامه اړيکو وياند نن دخالي په ورځ دسپيناوي پخپل بيان کې ويلي دي دپاکستاني پوځ وياند پسې د سي اين اين لخوا تړل شوې دغه خبرې هيڅ حقيقت نۀ لري

د پاکستاني پوځ وياند دامريکايي تيليويزيون سي اين اين دخلې دپاک پوځ په وياند پسې تړل شوې هاغه خبرې اترې رد کړي  په کومو کې چې دپوځي وياند په حواله ويل شوي وؤ پاکستان دطالبانو دمشر ملاعمر په گډون دنورو مشرانو سره اړيکې لري اودغه طالب مشران امريکا سره خبرو ته کښينولى شي.
دپوځ دعامه اړيکو وياند نن دخالي په ورځ دسپيناوي پخپل بيان کې ويلي دي دپاکستاني پوځ وياند پسې د سي اين اين لخوا تړل شوې دغه خبرې هيڅ حقيقت نۀ لري.
دعامه دڅانگې يا ايي ايس پي ار وياندزياتوي دپاکستاني پوځ وياند ميجر جنرال اطهر عباس هيڅ کله سي اين اين ته دا نۀ دي ويلي چې گنې پاکستان دطالبانودمشر ملا عمراو نورو طالب چارواکو سره په تماس کې دى او کولى شي هغوي امريکا سره خبرو ته کښينوي.
دوياندله مخې سي اين اين دپوځي ويانددخبروگډوډکړى دى.
 بايد وويل شي تيره ورځ امريکايي تيليويزيوني چينل سي اين اين دپاکستاني پوځ وياند ميجر جنرال اطهر عباس يوه مرکه مخې ته راوړې وه او ويلي يې وؤ اطهر عباس په دغه مرکه کې په ډاگه کړې ده چې کۀ چرې امريکا دهند له پوه دپاکستان دانديښنو په ختموو کې مرسته وکړي نو پاکستان چمتو دى چې ددې په بدل کې دامريکا سره دطالبانو مشر ملا عمر او نور طالب مشران دخبرو اترو ميز ته راولي.
سي اين اين دپوځي وياند له خلې ويلي وؤچې دپاکستان پوځ  دملا عمر په  شمول دطالب مشرانو سره تماسونه لري.
له دې وړاندې هم څو کرته نړيوالې ميډيا او څيړونکودپاکستان په پوځ دطالبانو او تندلارو سره دتماس لرنې او دهغوي دملاتړ کولو تورونه لگولي وؤ خو دپاکستان پوځ مدام ددغسې تورونو منلو څخه انکار کوي او وايي پاکستانى پوځ دطالبانو سره هيڅ رقم اړيکې نۀ لري.
دميډيا راپورونو له مخې تير کال دامريکا لخوا پاکستان ته ځينې داسې ثبوتونه هم ورکړل شوي وؤ چې پکې دپاکستان استخباراتي شبکه ايي ايس ايي دطالبانو او تندلارو په تقويه کولو تورونه ثابتيدله.