د هند د ولکې لاندې کشمیر کې د پوځ د تربیي مرکزباندې د واورې د گټ د غورځیدو له امله ١١ پوځیان وژل شوې

دهند تر ولکې لاندې کشمير کې دپوځ په يو تربيتي مرکزدواورې دگټ غورځيدو له امله ١١ هندي پوځيان وژل شوي او د٥٠ؤ څخه زيات نور ژوبل شوي دي.
دغه پيښه په خلان مرگ سيمه کې رامينځته شوې ده  چې دغيرملکي او ځايې سيلگرانو ديو مشهور سيلگرۍ دمقام گل مرگ سره نزدې ده.
په سيمه کې يو پوځي وياند کرنل وينيت سود خبريالانو ته ويلي دي تر دې مهاله امنيتي ځواکونو دلټونې او ژغورنې په عملياتو کې ١٥ پوځيان راويستلي دي.
دهغه وينا وه په کوم وخت چې دواورې دغه گټ په سکول راپريوتو نو  هلته د٣٠ؤ اولسي کارکوونکو په گډون تر ۴٠٠ؤ پورې کسان موجود وؤ  خو دواورې گټ يواځې په يوه برخه راپريوتى دى.
خو چارواکي وايي دواورې دگټ راپريوتو له امله  سيلگرانو ته دمرگ ژوبلې اوښتو انديښنه نشته ځکه چې دغه پيښه په کوم ځايې کې رامينځته شوې هغه دسيلگرۍ دځايې څخه په لوړه پروت دى.
دهند دپوځ تربيتي مرکز ٩ زره فټه (٢٧٣٠مييټره) په لوړه په کشمير کې دلائن اف کنټرول سره نزدې موقعيت لري.
دپوځ يو وياند وويل ۴٠ پوځيان امدادي ډلو ددغه ځايې څخه راويستلي دي خو انديښنه يې وښودله چې په لسگونو پوځيان اوس هم په واوره کې نښتي دي.
وياند وويل په سيمه کې دواورې دورښت او لړې له امله په امدادي کارونو کې سخته ستونزې رامينځته کيږي.