د امریکې جمهوررئیس باراک اوبامه به د زیارت په ورځ د مصر سر ښار قاهره کې د اسلامې نړۍ سره تعلقاتو په اړه مهمه وینا کوي او هیله څرگندیږي چې د تیرو څو لسیزو راهسې دامریکې او اسلامې هیوادونو تر منځ د کړکیچنو اړیکو سمولو لپاره به نوي تگ لاره یا پالیسې اعلان کړي.

د واک تر لاسه کولو سملاسي ورسته جمهوررئیس باراک اوبامه د اسلامې نړۍ سره د ښه تعلقاتو لرلو ژمنه ووکړه.

په شلمه جنورۍ د خپلې څوکۍ څوگند پورته کولو ورسته د جمهوررئیس په حیث لومړې رسمې  تقریر کې باراک اوبامه  اسلامې نړۍ نیغ په نیغه مخاطب کړه او وې ویل چې   غواړي د شریکو مفاداتو او د یوبل لپاره د احترام په اساس اسلامې نړۍ سره د مخکې تگ لپاره لار وو لټوي.

ددې ورسته په اپریل کې، د ترکې پارلیمان ته وینا کې باراک اوبامه وویل چې امریکا اسلام سره نه په جنگ ده او نه به داسې کوم کار ووکړې.

اوس چې کله باراک اوبامه مصر ته د سفر تیاری کوي، داسې ښکاریږي چې هغه  خپله تگ لاره پراخوول غواړي. د سپینې مانړۍ ویاند رابرټ گیبز وايي قاهره کې به باراک اوبامه کومو مشرانو ته نه بلکه عام وولس ته وینا کوي.

جنمز زاگبي په واشنگټن کې د څیړنې ادارې عرب امریکن انسټیټیوټ سره کار کوي وايي په عرب هیوادونو کې هم امریکې سره د تعلقاتو په اړه مثبت بدلون راغلی دی خو باید باراک اوبامه دې خپلې ژمنې عملي هم کړي.

کویت او اردن کې د امریکې پخوانی سفیر ایډورډ نیهم وايي په دې ورستۍ ورځو کې يي عرب هیوادونو ته سفر کړی دی او هلته د باراک اوبامه وینا ته په ښه نظر کتنه کیږي خو په سیمه کې خلک غواړي چې عملي گامونه هم واخیستلی شي.

دا محال چې باراک اوبامه د مصر د سفر تیاری کوي او د امریکې او اسلامې نړۍ تر منځ د ښو تعلقاتو نوي دوره پیل کول غواړي، قاهره کې د هغه وینا ډیر اهمیت لري.