ჰონდურასის დროებითმა მთავრობამ ბრაზილიის საელჩოს ულტიმატუმი წაუყენა. ამ ულტიმატუმით, ბრაზილიის საელჩომ, ჰონდურასის გადაყენებულ პრეზიდენტს მანუელ ზელაიას, რომელიც საელჩოს აფარებს თავს, ათი დღის განმავლობაში თავშესაფარზე უარი უნდა უთხრას. ჰონდურასის დეფაქტო მთავრობა აცხადებს, რომ ბრაზილიის საელჩოში შეფარებული ზელაია ქვეყანაში არსებული სიტუაციის დაძაბვას უწყობს ხელს.