უგანდის პოლიციის განცხადებით, იდელფონზე ნიზეიმანა ქვეყნის დედაქალაქ კამპალას გარეუბანში, ერთ-ერთ სასტუმროსთან დააკავეს.

ის ტანზანიაში არსებულ რუანდის საერთაშორისო კრიმინალურ ტრიბუნალს გადასცეს. მას ბრალად გენოციდის მოწყობა და კაცობრიობის წინააღმდეგ დანაშაულის ჩადენა ედება.

ნიზეიმანა 1990-იან წლებში რუანდის სადაზვერვო სამსახურში მუშაობდა და ბრალად გენოციდის ხელშეწყობა ედება. 1994 წელს 100 დღის განმავლობაში 800,000 ადამიანი იქნა მოკლული.