Karbidestên parastina Îraqê dibêjin çekdarên parêzgerekî din kuştîye  yê ku parêzgerî dikir ji  bergumanên din re yên ku bi Seddam Huseyn re dihatin dadkirin li ser tawanên dijî mirovatîyê.

Ev êrîşa roja Sêşemê li Bexdayê, di nav sê heftîyên buhurî de bû êrîşa duwem li dijî berevankarên qanûnî di dadkirina Seddam Huseyn de.  Dawîtirîn kuştî parêzgerê Taha Yasîn Ramazan bû ku di dema Seddam de cîgirê serok bû.  Parêzgerekî din jî birîndar bûye.

Piştî wê êrîşê, parêzgerên Seddam Huseyîn xwestin ku dadkirin li welatekî din bête kirin, dibêjin ji ber ku eger dadkirin li Îraqê bête kirin ew nabe dadkirineke adil û rewa.

Bi alîyekî din ve îro (Sêşem) hêzên hevalbenda du xirabkar li Ramadî kuştin û li Besra bi peqîna bombeke ser caddê karbidestekî parastina Îraqê û polîsek hate kuştin.  Li Kerkukê jî bi peqîna bombeke ser caddê polîsek hat kuştin.