Li ser hindê re ku derketina derve ya bişev hatibû qedexekirin ji bo ku dizî û talanbirinên van du heftîyên buhurî  bêne sekinandin, lê dîsa jî tundutujî ranewestîyane li gelek bajêrên Fransa.

Xortên turebûyî bişev li hawîrdorê Fransa  zêdeyî 600 otomobîl şewitandin.  Şeva berî wê jî dîsa zêdeyî şeşsed otomobîl hatibûn şewitandin.  Polîs dibêjin 204 kes hatine girtin ji ber wan alozkarîyên ji alî xortên misilman yên bi esilê xwe ji bakûra Efrîqayê ne ve têne kirin.

Li jimareke bajêrokan derketina derve ya bişev û  her wisa li bajêrokê Amiens firotina gazê li xortan hatîye qedexe kirin da şewitandina avahî û otomobîlan bêne rawestandin.. 

Li bajêrê Lyon li başûra Fransa karbidest naçar bûn ku hemu sîstama hatin û çûna bi trêna binê erdê bigrin ji ber ku roja Sêşemê li bingeheke rawestinê bombeyeke agir teqîya.  Tê ragihandin ku tu kes birîndar nebûye.

Serok wezîr Dominique de Villepin îro (Çarşem) rewşa tengavîyê ragihand  ku piranîya bajêrên mezin yên Fransayê vedigre.  Wî roja Sêşemê jimareke bizavên hikumetê ragihandin ji bo çareserkirina pirsên ku gelek Fransî ew egeran wek bingehên wan alozkarîyan destnîşan dikin ku dibêjin ew eger, bêkarîya gêncan, xwendîngehên hejar û ferq û  cudahî ne.