Serokê Îraqê Celal Talabanî li demê serêdana xwe ya şeş rojî bo Îtalyayê, li Vatîkanê digel Papa Benedictî kombû.

Civîna Birêz Talabanî li roja Pêncşembî libin parastineke tund, du û nîv mehan paş kombûna Papayî digel wezîrê derve yê Iraqê Hoşyar Zêbarî li ser azadîyên olî bû.

Papa Benedictî alozîya xwe înaye ziman ji rewşa azadîya olî li Îraqê. Destûra ku li vê dawîyê hatî qebûl kirin, Îslamê wek jêdereke qanûna Îraqê destnîşan diket. Nêzîkî sê ji 100ê ji 26 mîlyon Îraqîyan Mesîhî ne.

Serokê Îraqê li roja Duşembî dest bi seradana xwe bo Îtalyayê kir. Birêz Talabanî ji rêberên Îtalyayê xwest ku 3,000 serbazên wan heta dawîya sala têt li Îraqê bimînin.

Li Îtalyayê li sala têt hilbijartinên parlamentoyê tên kirin û serokwezîrê Îtalyayê Silvio Berlusconi libin sengîyê ye ku wê hêza Îtalyan ji Iraqê vekêşît.