Yusif Reza Gîlanî li Îslamabadê ji otomobîla xwe derdikeve da ku di kombûna yekê ya Parlamana Niştimanî de beşdarîyê bike.

Parlamana Niştimanî ya Pakistanê Yusif Reza Gîlanî wek serokwezîr hilbijart.

Gîlanî berbijarê partîya rêbera rikeberîyê Benazir Bhutto-Partîya Gel ya Pakistanê bû û peyivdarê berê yê parlamanê bû herwisa ew hevalekî nêz yê hev-rêberê Partîya Gel ya Pakistanê Asif Alî Zerdarî ye.

Çaverê dihate kirin ku Gîlanî piranîya dengan wergire jiber ku piştî hilbijartinên meha du-Sibatê piranîya kursîyan ketibû destê partîya wî û hevalbendên wî li Parlamana Niştimanî.

Gîlanî li cara duwê ya serokatîya xanim Bhutto peyivdarîya parlamanê kiribû.  Ew herwisa bi tawanên gendelî û nerêkîyê bi salan di zindanê de mabû lê bi gotina wî jiber egerên sîyasî ew hatibûye zindan kirin.

Rêzdar Muşerref jî roja yekşemê gotibû ku ew ê bi temamî piştevanîya xwe bide hikumeta nû.