Grupên terorîstî yên navxweyî û yên navnetweyî jibo muddehê pitirî 40 salan e ku hevwelatîyên Turk û yên biyanî û endamên USG kirine armanc.
Ew grupe ku dinav Turkîyê da opersayonan pêk tînin, cudahîxwazên Kurd, Marksist û Lenînîst, Îslamîyên tundrê û grupên alîgirên çîçanê digrîtê xwe.
Piştî çend heftîyên tundûtûjîyê dinav êrîşên Partîya Karkerên Kurdistanê PKK da ku jimarek serbaz û hevwelatîyên Turkîye hatine kuştin û birîndar bûn, parlamana Turkîye li 17ê meha deh bi têkrayî dengan rêk da operasyonek leşkerî ya derveyî tixubî, dijberî armancên KGK yan PKK ku li bakûrê Iraqê bi rêve biçît.
Hêzên Turkîye operasyonên berfireh bi dirêjahîya tixubê Turkîye û Iraqê, derengwext sala 2007ê birêve birin. Li 5ê meha 11 serok Bush soz da ku jibo berengarî kirina digel PKKê li bakûrê Iraqê zanyarîyên serrast û demûdest jibo Turkîye berdest biket.
Grupên din yên terorîstî li Turkîye pêk tên ji Partîya Azadîya Serhildana Gelî ku grupek milîtanan ya Marksîst/Lenînîstî ye û dîtinên dijberî Amerîka û dijberî NATO hene.
Sebaret Surîye jî di vê raportê de hatîye ji sala 1979ê ve ku Surîye weku welatê piştevanê terorîzmê hatîye dîyar kirin, berdewam bûye li ser berdest kirina piştgirîya sîyasî jibo grupên terorîstî yên Felestînî.
Surîye herwisa berdewam bûye li ser berdest kirina piştgirîya sîyasî û keresteyan jibo Hizbullah ji demê ew grupe hatîye damezirandin hetanî niha.
Di dirêjahîya raportê de behsa Hizbullaha Turkîye jî tê kirin û wek rêkxistîyek Kurd yên Sunnî tê bi nav kirin û herwisa Ensar’l Îslam. Di derbarê Surîye de dîsa dirêjahîya raportê bi hûrî agahîyan dide. Eger ku hun bixwazin bala xwe bidine dirêjahîya raportê, ji kerema xwe re guh bidine fayla dengî ku li jor bi nivîsa şîn hatîye nivîsîn: “Li raportê guhdarî bike”
Vî babetî e-mail bike
Formata Çapkirinê
