Du çekdarên Ensar'l Îslam li sinorê qeza Pêncwîn li nêzîkî sinorê Komara Îslamîya Îranê bi sedema teqîna bombekê hatine kuştin û termên wan ketine destê pasewanen sinora.

Li ser wê rûdanê Muqaddem Ahmed Mela Hemed rêveberê polîsên berevanî û hewarçûna Pêncwîn bo kenalên ragihandinê got li demeke ku grupa terorîstên Ensar'l Îslam mijulî danana bombeke çandî bûn li ser rêyeke hêzên pasewanên sinora ku rojane pasewanên sinora ji wî cihî derbaz dibin ew bomb bi wanve teqî ku di encam de du çekdarên Ensar'l Îslam hatine kuştin û çekdarek dî jî birîndar bû.

Termê herdu kuştîyan û tifengek û nasnameyek bi navê Resulzade li cihê rûdanê hatine dîtin.

Gudharên Pişka Kurdîya Radyoya Dengê Amerîka hun dikarin dinav bernameyên îro da  li dirêjahîya vê raportê guhdarî bikin.