Karbidestekê Amerîkî dibêjit Iranê bitinê pêşveçûneka kêm di biwarê navokî de pêk anî ye, herçende Tehranê ragehandiye ku bernama navokî ya wê zor pêşveçûye.  

Alîkarê wezîra derveya Amerîkî bo karûbarên siyasî, William Burns, roja çarşembî got ku piroseya zax kirina yoranyomê ya Iranê hêşta bi kêm û kurî ye.  

Birêz Burns gote komîteyeka kongirêsa Amerîkî ku zehmete bo Iranê teknelojiya navokî bidestve bîne jiber toleyên Netewên Yekgirtî.  

Jimareka endamên kongirêsa Amerîkî daxaz ji rêveberiya serok Bush kir da fişarên aborî dijî Iranê zêde biket da bernama navokî ya xwe ragirit.  

Iran berdewam radigehîne ku bernama navokiya wê bo mebestên aştiyane ye.