Partiya Karkerên Kurdistanê ew sê çiyagerên Elman ku di heştê vê mehê de li ser çiyayê Agirî girtibûn serbest berdan.

Roja yekşembî şandeyeke ku ji rêkxistinên sivîl yên wek Komeleya Mafên Mirovan IHD, MAZLUM DER û Partiya Civaka Demokratîk DTPê pêk dihat jî gihaştibû Bazîdê.

Dema nîvro hat ragihandin ku serheldayên Kurd ew sê Elman li nêzîkî cihê ku girtibûn serbest

Frank-Walter Steinmeier di gotarekê de bo peyamhinêran li Berlîn azad bûna çiyageran ragehand

berdan. Peyivdarê wezareta derve ya Turkiyê ragihand ku wezîrê Turkiyê Alî Babacan telefonî wezîrê derve yê Elman, Frank-Walter Steinmeier kiriye û gotiye ku geştiyarên Elman serbest hatine berdan û cansaxiya wan jî başe.

Fermandarê Agirî Mehmet Çetin got ku serhelda neçar bun wan çiyageran serbest berden ji ber operasyona leşkerê Turkiyê. 

Hevdem, PKKê jî sebaret bi vê bûyerê daxuyaniyek belav kir û got wan, geştiyarên Elman li ser banga rêxistinên demokratîk û sivîl roja yekşembî sa`et 12'an de serbest berdane û tendurustiya wan kesan jî başe. Di daxuyaniyê de her weha hat gotin ku derbarê vê serbest berdanê de daxuyaniyeke berfireh were dayîn.

Hat ragihandin sê çiyagerên Elman piştî ku hatine serbest berdan anîne Bazîdê û dê radestî şandeya şeş kesî bikin ku ji Elmanyayê hatibû.