Seqanasên Welatên Yekgirtîyên Amerîka dibêjin ku tenişta barova Gustav gihîştîye qerexê Kendava Welatên Yekgirtî û nêzî New Orleans Louisiana dibe.

Di barova kujek de ba di demjimêrekê de 185 kîlometre bilez diçe û wîsa tê çaverê kirin ku li nîvê roja duşembîyê dê li erdê xe.

Seqanas çaverê nakin berî ku li erda Louisiana bixe Gustav bihêztir bibe belê dê qelstir bibe dema ku navenda wê bigiîje ser erdê.

Navenda Netewî bo Barovan dibêje barova Gustav dibe ku baraneke biqasî nîv metre li hin deveran barîne.  Navend herwisa huşdarîyê jibo pêlên deryayê dide û dibêje dibe ku bilindahîya pêlan ji dema berê çar metre zêdetir be.

Karbidest dibêjin ku 95 li sedî anku du milyon runiştevanên devera bi gumana ku wê barove lê bide deverê vala kirine.

Karbidestên Federalî yên rêveberîya karesatan dibêjin ew kelûpel û karmendên tengavî û hewarçûnê dişînine deverên li dewrûberê ku çaverê tê kirin barove lê bide.