Sarah Palin

Kandîdaya cîgîrê serokî ya Komarîyan Sarah Palin roja çarşembîyê bişev li pêşberî Civîna Niştimanî ya Komarîyan axift û berevanî ji tecrubeyên xwe weku bajarvana bajêrê biçûk û fermandara wilayeta Alaska kir û herwisa avête berbijarên Demokratan jî.

Palin gote nuneran li St. Paul li wilayeta Minnesota ku Demokrat li gor peyvên wê "bi çavek biçûk berê xwe didine tecrubeyên wê."  Palin got bajervanî weku hindê ye ku tu rêkxerek civakî bî megerte berpirsyarîyên xwe yên rasteqîne hebin.

Karek ku berbijarên Demokratan bo serokatîyê anku senator Barack Obama hebu yê ku li wilayeta Chicago rêkxerek civakî bû.

Palin got ew dê biçîte Washingtonê ku xizmeta Amerîka biket û ne weku bizavê biket ku piştgirîya medyayê û herwisa naskirîyêt Washingtonê werbigret.

Palin pesnê kandîdayê Komarîyan bo serokatîyê anku John McCain da û weku kesek hejî ye bibîte qumandarê hêzên Amerîka da nasandin û got ew li ser rastîyê bû demê piştgirîya zêdekirina serbazan li Iraqê kir.

Guhdarên Pişka Kurdîya Dengê Amerîka, hevkarê me Jani Dîlan li St. Paula Minnesota li Civîna Niştimanîya Komarîyan amade ye û li ser vê babetê raportan dişîne radyoyê.  Eger ku hun bixwazin guh bidine wan raportan ji kerema xwe re li ser malpera me li rupela Audioyen Kurdi ku li destê çepê xuya dike guh bidine bernameyên radyoyê.