Qumandarê bilindê leşkerê Amerîkî li Afganistanê dibêjit leşkerê Amerîkî dê serjinûve vekolînê li ser kiryara meha buhurî kit ku Afganî dibêjin bi dehan medenî hatine kuştin.

General David McCarnan duhî yekşembê got hindek belgeyên nû li ser kuştina medenîyên Afganî  di hêrîşa hêzên hevpeymanî da li parêzgeha Hirat hatine eşkere kirin.

Rojnameyêt rojava dibêjin di filmekî vîdyoyê da termên bi dehan kuştîyan dîyar dikit ku li mizgefta gundî û zarok dinav wan terman da bûn û dibêjin ew vidyoye bi telefoneka destî hatîye wergirtin.

General McCarnan got ew daxwaz ji qumandarê navendîya leşkerî kir ku pêdaçûnê li ser zanyarîyên destpêkê bikin ku bi tenê heft medenî kuştibûn ligel 35 milîtanan.

Afganî û Neteweyên Yekgirtî dibêjin nêzîkî 90 gundî di wê hêrîşê de hatine kuştin.