Generalê Amerîkî David Petraeus

Generalê Amerîkî David Petraeus dibêjît danustandin ligel hinek endamêt Taliban dikarît rêkê berdest biket jibo kêm kirina tundûtûjîyê li hinek pişkên Afganistanê.

Roja çarşembîyê General Petraeus got eger milîtan hebin ku bixwazin ligel hikumeta Afganistanê aşvebibin, wê demê danûstandin dikarin bibine pêngavek erînî.

Lê belê General Petraeus got kilîdek jibo danustandinan ew e ku bête piştrast kirin bi hevkarîyek temam û piştgirîyek temama hikumeta Afganistanê ew danustandin bêne encam dan.

Wî herwisa got danustankar divîya bizanin ka ligel kê diaxivin û têbînîyêt wan bizanin.

Hikumeta Afganistanê roja sêşembîyê red kir ku çi danustandin ligel Talibanan yan navberêt wanêt wan pêk anîbin, ew jî piştî ku hinek raport li ser hindê belav bûn.