Di 46. Festivala Purteqala Zêrîn ya Antalya da du fîlmên Kurdî xelat wergirtin
22/10/2009
Filmê
bi navê "Min dît" ku di nîşandana wê da pêvçûnên devokî derketibûn xelata "Şîyan
û Kanînên Xurt wergirt ku bo derhênerê wê hate pêşkêş kirin.
Filmê "Du Ziman û Yek Çente" anku bi Turkî "Îkî Dîl Bîr Bavûl" ku ji alîyê
derhêneran Ozgur Doxan û Orhan Eskîkoy hatîye rêvebirin bi awayeke neçaverê
kirî xelata baştirîn filmê yekê wergirt.
Filîm qala çîroka mamosteyekî Turk dike ku bo mamostetî diçe gundekî
Kurdan.
Filîm li ser têkelîyên mamosteyê Turk û xwendekarên Kurd disekine ku herdu jî ji
hevdu fam nakin. Zehmetîyên zarokên Kurd
ku bi zimanekî biyanî dixwînin û pirsa mafên perwerdeya bi zimanê zikmakî jî di
filmî de bi awayekî xweşik tê pêş çavên temaşevanên sînemayê.
Hêjayî gotinê ye ku filmê "Du ziman û Yek Çente"li 16. Festival filmên Adanayê
xelata taybet ya Yilmaz Guney û herwiha baştirîn filmê Komeleya Nivîskarên
Sînemaya SÎYAD jî qazanc kir. Ev filîmê "Îkî
Dîl Bîr Bavûl" herwisa di Festival Fîlmên Rojhilata Navîn da xelata baştirîn filmê
belgeyî yê Rojhilata Navîn jî wergirt.
Filîm di 22ê meha deh-Cotmehê de li Turkîye li bajêrên Stenbol, Ankara,
Diyarbekir, Îzmîr, Adana, Bursa, Îzmît, Van, Eskîşehîr û li Mêrsînê dê bête
nîşandan.
Washington
VOA
E-mail
Çap bike
