Wezîra Derveya Amerîka Hillary Clinton dîsa berevanî li rêbaza Amerîka ya bo Pakistanê kir ji wan Pakistanîyan re yên ku jiber tundûtûjîya her diçe zêdetir dibe bêzar bûne.

Xatun Clinton evro li Îslamabadê ji komeleyeke rêberên eşiran re peyivî li herêma bakura rojava ya welatî ya li hevketî.  Yek ji qanundaneran piştevanîyê li wê yekê kir ku Clinton pêşî danustandinekê bike li ser bi dawî anîna şerrê Afganîstanê  û piştra wê bizavê li Pakistanê bike.

Her çende xatun Clinton xweşhalîya xwe dîyar kir beramberî danûstandinan belê wê herwisa got Amerîka divîya şerrê dijî terorîstan bikira jiber ku piştî hêrîşên 11ê Îlona 2001 Talîban razî nebûn rêberên El Qaîdeyên berpirsyar bidine dest.

Rojek berî wê li Lahorê Clinton ji grupeke xwendekarên zanîngehan re gotibû ku ew ne cihê bawerîyê ye ku hikumeta Pakistanê nikaribe rêberên El Qaîdeyê bidestvexe eger bi rastî bixwaze.