Serokê Îranê Mahmud Ahmedînejad, di kombûna Rexistina Konferansa Îslamî ya Stenbolê de rexne li Kapîtalîzmê girt û daxwaza guhernên bingehîn kir, di aborîya cîhanê de.

Ahmedînejad, rêjeya faîzan ango interestan, wekî mezintirîn û girîngtirîn kêşeya sîstema kapîtalîzmê binav kir.

Sîstema darayî ya Îslamî bê faîz kar dike,  jiber ku Qûran ew yek qedexe kirîye.

Îsal, Tirkîye, serokatîya Rexistina Konferansa Îslamî ya 57 dewletan dike û Enqerê hewil dide ku têkîlêyên xwe ligel welatên Misilman rindtir bike, Îrana cîran jî nav de.

Li alîyê din, serokê Sudan Omar Hesen El Beşîr hatina xwe ya Tirkîye, bo tevlî bûna konferansê betal kir. Tirkîye, bi rêxneyên tûnd yên civata navnetewî rû bi rû ma bû, jiber vexwandina rêberê Sudanî. Li dijî Beşîr, bi sedema tawanên dijî mirovahîyê, dozek hatîbû vekrin, li Dadgeha Navnetewî ya Tawanan.

Serokwezîrê Tirkîye Recep Tayyîp Erdogan, îddîayên li dijî birêz Beşîr red kirîbû.