Rêxistina Saxlemîya Cîhanî (WHO)dibêje dibe ku zêde kes li Çînê bi êşa mirîşka kevin.

Ev daxuyanî hate ragihandin piştî ku Çînê roja Çarşemê  got ku du merivan vayrusa H5N1 ya êşa mirîşkan girtîye 

Henk Bekedamê ku li ser navê WHO ya li Çînê axivî îro (Pêncşem) got, wan pê xweş e ku hikumet li dijî vê nexweşînê kar dike belê hêjî pirsgirêkên mezin li ber vî welatî ne.  Bekedam dibêje ji sedî 70 ku nêzî 14 milyar in ji lawirên wek mirîşk, dîk, qaz û şamîyên kedî li Çînê, li koxên  malên xelkê tên hewandin.

Dezgehên ragihandinê yên dewleta Çînê dibêjin li du deverên din ew nexweşî hatîye dîtin.

Pekînê gotîye ew dê derzîyan li lawirên kedî bidin li dijî wê nexweşîyê.

Di vê navê de wezîrê saxlemîyê yê Endonezyayê got li welatê wan heftîya buhurî du jin ji ber êşa mirîşkan mirine

Wê vayrusa H5N1 ji sala 2003 an û virdaye bûye egera mirina zêdeyî 60 kesan li rojhilata Asyayê.  Zanist di wê xemê de ne ku dê ev nexweşî xwe biguherîne û têkeve şiklekî ku karibe di nav merivan de jî belav bibe.