Komeke lêkolevanên li ser sihhet û saxlemîya mirovan kar dikin dibêje ku meriv rojê pênc û zêdeyî pênc dana fêkî û giya û sewze bixo îhtîmala ku bi nexweşîna dil dilê meriv raweste ji sedî 25 kêm dibe.

Lêkolevanên ji Zanîngeha London encama lêkolîna xwe ya ku li ser 275 hezar kesên ji Ewropa, Japon û Welatên Yekgirtî yên Amerîka kirine di kovareke Brîtanî ya sihhet û saxlemîyê ya bi navê Lancet de belav kirin.

Dibêjin ewên ku rojê sê an jî pênc dana mêwe û sewze dixwin bi wan re êşa dil û îhtîmala sekinandina dilê wan ji sedî yazdeh kêm dibe. Xwarina fêkî û giya û sewzeyan ku rojê zêdeyî pênc dana be îhtîmala nexweşîna dil  ji sedî 26 kêm dike.

Li gorî lêkolînê her dan divê 77 gram sewze û 80 gram jî mêwe bê xwarin.

Dil disekine dema ku gomçek xwîn damara ku xwîna paqij belav dike dixitimîne û xwîn li mejîyê meriv belav nabe.  Sekinana dil di welatên paşmayî de egera serekî ya mirin û seqetîyê ye.