Rêberên G-8 soz didin Efrîqa ku alîkarîya bo nexweşîya AIDS bidinê
08/06/2007
Rêberên heyşt welatên sazkar yên cîhanê soz dane ku ji bo şerrê li dijî nexweşîyên belav yên wek AIDS, malerya û herwekî din, 60 milyar dolar alîkarîya peran bidine Efrîqayê.
Ew soza wan îna îro di dawîtirîn kombûna G-8 de li Heiligendamm'a Almanya ya li qerexa Derya Baltîk hate ragihandin. Di vê bexşê da Welatên Yekgirtîyên Amerîka bixwe tenê 30 milyar dolaran dide,
Li ser navê welatên Efrîqî serokê Gana'yê
Nexşeya Efrîqa
got ji bo vê bexşê welatên ku peran didin çi şert û merc danîbin welatên Efrîqî amade ne ku ew şert bicîh bînin. Hin ji wan şertan bipêşvexistina hikum kirinê ye û ya din jî şerrê dijî nerêkîyan e.
Gruba heyştan an ku G-8'ê herwisa soza xwe ya sala 2005an ji Efrîqayê re dubare kir ku ew dê alîkarîya bo pêşketinê du qatî zêdetir bike. Şêwirmenda Alman ya mêvandar Angela Merkel soz da ku wê ev Komele soza xwe bîne cih.
Serokwezîrê Brîtanyayê Tony Blair got ev rêkeftin hevkarîya dinavbera cîhana bipêşketî û Efrîqayê de nîşan dide.
Vî babetî e-mail bike
Formata Çapkirinê
