Pêdivîya cîhanî bo derzîyên Nexweşîyên Belav.

Bi egera hebûna vîrusa ji curê HBV dinav xwîna wan da, ku vîruseke metirsîdar û kujek e, çar kirêkarên Tirkîye li Herêma Kurdistanê hatine durêxistin û rêwaneyî welatê wan kirin.

Li gorî jêderên asayîşa Ranye, çar kirêkarên Tirkîye ku li proja ava derbendê Ranye kar dikirin, piştî ku li taqîgeha Ranye testa xwînê bo hate kirin, derket ku vîrusa HBV dinav xwîna wan de heye.

Nexweşxane Ranye jî bi fermî dezgeha asayîşê ji wê rûdanê agahdar kir û her ew çar kirêkar rêwaneyî welatê wan kirin.

Li gor jêderên nujdarîyên Herêma Kurdistanê jî vîrusa HBV li Herêma Kurdistanê nîne, lê li welatên dewrûber belav bûye û bi vîrusek metirsîdar û ser bi jîyana mirovî tête zanîn.

Cîyê gotinê ye ku hejmareka zêde ya kirêkaranên Tirkîye û welatên dewrûber li kompanyayên Tirkîye û welatên din li Herêma Kurdistanê kar dikin.

Ji layek din ve û derbarê belav bûna nexweşîyên din yên metirsîdar û çewanîya piştgirîna hevwelatîyên dî ku tên Herêma Kurdistanê, Wezîrê Tendurustîyê Herêma Kurdistanê bo kanalên ragihandinê da xuya kirin ku şeş haletên toj bûnê bi nexweşîya AIDS li Herêma Kurdistanê hatîne eşkere kirin û tomar kirin ku hemî xelkê bîyanî bûne û tenê hevwelatîyekî Kurd jî bi wê nexweşîyê bûye.  Ew jî li derveyê welatî jîyaye û her li derveyî welatî jî ew digel hevsera xwo bi sedema wê nexweşîyê mirîne û jîyana xwe ji dest daye.  Yên din jî xelkê Îran û Tirkîye û Pakistan û hindek welatên din bûyne û jinek jî li bajarê Musil hatibû Herêma Kurdistanê ku bi vê nexweşîyê ketibû.

Herwisa Wezîrê Tendurustî dibêjît jiber nebûna pêdawîstî û kelûpelên taybet bi wê nexweşîyê li Herêma Kurdistanê hemu ew hevwelatî rêwanî welatên wan kirîne.

Derbarê çawanîya pişkinînê jî Wezîrê Tendurustîya hikumeta Herêmê dibêjît, ew kesên ku têne Herêma Kurdistanê û bi cih dibin, pişkinîn bo tête kirin.  Lê di vê çendê jî dibêjîn ku sînorê Herêma Kurdistanê digel Tirkîye û Surîye û Îranê û deverên din yên Iraqê bi temamî nahête kontrol kirin û jiber hebûna têkelî û pêywendîyên komelayetî, rojane bi dehan hevwelatîyên wan welatan seredana Herêma Kurdistana Iraqê diken û yên Herêma Kurdistanê jî seredana wan welatan diken bêy ku pişkinîna nexweşîya AIDS bête kirin.

Eve jî gumanê dirust diket ku ew nexweşî bingehêt xwe li Herêma Kurdistanê jî dirust biket.