Peyameke saxlemîyê:Heke zarok şîrê dayikê bixwin li hember nexweşîyan xurttir dibin
Nûçe: Dengê Amerîka Werger: Fexrîya Doskî 02/08/2007
Rêkxistîya Saxlemîya Cîhanî (WHO) û Sindoqa Zarokan ya Neteweyên Yekgirtî dibêjin heke zarok piştî peyda dibin demûdest şîrê dayikê bixwin, pilleya mirinê di nav wan de li welatêt berev pêş diçin dê gelek tête xwarê.
Feyda şîrê dayikê bo silametîya zarokên sava, ajansêt Neteweyêt Yekgirtî ev sale kirîye diruşmê xwo li heftîya ku bi "Heftîya Şîrê Dayikê ya Cîhanî" daye nasîn, ku ji roja çarşembîyê destpêdiket.
Encamêt vekolînê ku li Gana hatibû kirin dîyar dike ku mirina zarokên sava bi nisbeta %16 dê kêmtir bit heke ji roja peyda dibin şîrê dayikê bixwin û ev nisbete dê gehîte %22 heke saetekê piştî zarok tête dinyayê, dayîk şîrê xwe bidetê.
Zanyar û şarezayên silametîya zarokan li Rêkxistîya Saxlemîya Cîhanî Rend Saade gote Dengê Amerîka şîrê dayikê zarokê sava beramberî nexweşîyê diparêze û dibêjit şîrê dayikê herweku derzîya yekê ya li dijî nexweşîya ye û zarokên sava ji gelek nexweşîyan bi taybet ji zikçûnê û nexweşîyêt girêdayî bi sîstema bêhnhilkişanê ve diparêzit.
Bi texmîna Rêkxistîya Saxlemîya Cîhanî her sal jîyana 1 milyon û 300 hezar zarokên ku ji pênc salan kêmtir dihête parastin, heke dayik şeş heyvên pêşî şîrê xwe bidete zarokî.
Rêkxistîya Saxlemîya Cîhanî dibêjit li welatêt başûra Sahra Efrîqî pitir ji her erdekî li cîhanê zarok dimrin ku nêzîkî %10 zarokêt sava berî bibin salek li wêrê dimrin. Li welatêt başûra Sehra Efrîqî pilleya belav bûna vîrusa HIV ya nexweşîya AIDS ji hemî welatêt cîhanê bilindtir e ku li wirê bi gotina Rend Saade dayik ji tirsa hindê ku zarokêt wan giriftarî nexweşîya AIDS nebin, şîrê xwe nadine wan.
Saade dibêjît zarokêt sava yêt du heyvî ku şîrê bottla vedixwin, şeş cara pitir ji zarokêt ku şîrê dayikê dixwin bi zikçûnê û bi nexweşîyêt dî yêt vegir dimrin.
Rêkxistîya Saxlemîya Cîhanî (WHO) û Sindoqa Zarokan ya Neteweyên Yekgirtî dibêjin heke zarok piştî peyda dibin demûdest şîrê dayikê bixwin, pilleya mirinê di nav wan de li welatêt berev pêş diçin dê gelek tête xwarê.
Rêkxistîya Saxlemîya Cîhanî dibêjit li welatêt başûra Sahra Efrîqî pitir ji her erdekî li cîhanê zarok dimrin ku nêzîkî %10 zarokêt sava berî bibin salek li wêrê dimrin. Li welatêt başûra Sehra Efrîqî pilleya belav bûna vîrusa HIV ya nexweşîya AIDS ji hemî welatêt cîhanê bilindtir e ku li wirê bi gotina Rend Saade dayik ji tirsa hindê ku zarokêt wan giriftarî nexweşîya AIDS nebin, şîrê xwe nadine wan.
Vî babetî e-mail bike
Formata Çapkirinê
