Ava vexwarinê ya gelerî ku mîkroba vê nexweşîyê ketibe navê dibe egera Kolerayê.

Rêxistîya Saxlemîya Cîhanê WHO, dibêje nexweşîya Kolera li bakûra Iraqê belav bûye.

Ajansa ku bingeh li Geneva ye, radigihîne ku bi16 hezar kesan re nîşanên nexweşîya Kolera derketîye û li parêzgehên Silêmanîye, Kerkuk û Erbîlê 10 kes bi vê nexweşîyê mirine. 

Berî vê li wan parêzgehan di heft hezar kesan de ev nîşan xuya bûbûn.

Kolera nexweşîyeke wisa ye ku bi xwarina av û xwarina pîs hûr û rûvî kêm digre û nava meriv pê diçe.  Rayedarên wan parêzgehan jibo paqijkirina ava gelerî maddeya klorîn xistîye nav ava vexwarinê ya gelerî û herwisa tedbîrên din jî wergirtine jibo ku derî li ber nexweşîyê bê girtin.